08.05.2018 / 15:19

Як у краінах пост-СССР улада мяняецца на выбарах — статыстыка 12

Трохі сумных лічбаў.

Сённяшняе выбранне Нікола Пашыняна на пасаду прэм'ер-міністра Арменіі стала толькі 17-м за амаль 27 гадоў пасля распаду СССР выпадкам на «класічнай» постсавецкай прасторы (12 былых савецкіх рэспублік без краін Балтыі), калі ўлада ў краіне памянялася не шляхам яе транзіту ў межах адной уладнай каманды, а перайшла ў рукі палітыка(ў), дагэтуль апазіцыйнага(ых) дзеючай уладзе. Да гэтага такое 4 разы адбылося ва Украіне (1994, 2005, 2010 і 2014), па 3 - у Грузіі (1992, 2003 і 2013) і Малдове (1996, 2001 і 2009), па 2 - у Азербайджане (1992 і 1993) і Кыргызстане (2005 і 2010), па 1 - у Беларусі (1994) і Таджыкістане (1992).

Што цікава - са згаданых 17 разоў толькі ў шасці выпадках (па два разы - у Малдове (1996 і 2001) і Украіне (1994 і 2010), па аднаму - у Беларусі (1994) і Грузіі (2013)) пераход улады да апазіцыянераў стаў вынікам не дзяржаўнага перавароту ці народных пратэстаў, а адбыўся шляхам простага падліку галасоў на праведзеных у адпаведнасці з усімі канстытуцыйнымі працэдурамі «ардынарных» выбарах.

Прытым палітычныя сілы, якія самі прыйшлі да ўлады такім шляхам, пасля такі давялося ад яе адхіляць інакшым чынам у трох выпадках з шасці. Што, на маю думку, выразна сведчыць і пра ўзровень палітычнай ды прававой культуры на гэтай прасторы, і пра развітасць на ёй палітычных інстытутаў. Пакуль што няма ніводнай «класічнай» постсавецкай краіны, дзе сістэма рэгулярнай (і прытым рэальнай, а не бутафорскай) змены ўлады ў адпаведнасці з Канстытуцыяй працавала б як гадзіннік, без збояў. Усюды час ад часу даводзіцца гэты гадзіннік падкручваць уручную (калі, натуральна, яго ўвогуле свядома не спынілі).

0
хамса / Адказаць
08.05.2018 / 15:27
о, артыкул сугучны маім нядаўнім думкам.. што мы ў савецкія часы не мелі выбару.. правадыр абіраўся не намі і кіраваў да скону.. то і зараз.. асабліва 'пашчасціла' нам
0
Зимовский А. / Адказаць
08.05.2018 / 15:34
Лукашенко добавляйте в табличку. Путин переизбирался и теперь займётся им
0
хамса / Адказаць
08.05.2018 / 15:38
шчэ цікавяць перспектывы змены ці трансфармацыі ўлады ў нас.. нават калі адбудзецца доўчаканы шос, лукашысты усё адно застануцца, і сваю ўладу наўрад ці захочуць аддаць.. не бачу спосабу, як нацыянальна і дэмакраычна арыентаваная эліта можа прыйсці да ўлады
хаця макрапрацэсы ў грамадстве мала прадказальныя.. ніхто ж не думаў, што ляснецца савок.. так і тут.. можа адбудзецца няведама што, і свет зменіцца.. толькі гэта надзея і цешыць
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру