Грамадства5151

Сталіністы-бальшавікі: хто арганізоўвае «Бессмяротны полк» у Мінску? 

Стала вядома, што Мінгарвыканкам усё ж даў дазвол на правядзенне ў Мінску 9 Мая асобнага шэсця «Бессмяротны полк», хаця спачатку гарадскія ўлады забаранілі такую акцыю. «Бессмяротны полк» выкарыстоўваецца прапагандай для прасоўвання «рускага свету».

Злева направа: Станіслаў Акружко, Валерый Драко і Валерый Перавошчыкаў. Фота rodveche.ru

А што за людзі стаяць за гэтым мерапрыемствам?

На першы план выйшла асоба былога дэпутата Палаты прадстаўнікоў Валерыя Драко. Калісьці ён быў у шэрагах калякінскай партыі ПКБ, быў дэпутатам Вярхоўнага Савета, але падчас канстытуцыйнага крызіса 1996 года падтрымаў Лукашэнку. Дзякуючы гэтаму, Драко займеў месца дэпутата ў першым скліканні Палаты прадстаўнікоў.

Потым Драко ўвайшоў у афіцыйную Камуністычную партыю, быў кіраўніком Мінскага гарадскога камітэта КПБ. У 2004 годзе ў інтэрв’ю «Белгазеце» Валерый Драко гаварыў пра хутчэйшае правядзенне рэферэндуму па Канстытуцыйным акце Беларусі і Расіі, што фактычна б ставіла кропку на беларускім суверэнітэце.

На выбарах 2010 года Валерый Драко падтрымаў кандыдата Віктара Цярэшчанку, быў яго даверанай асобай. Пасля тых выбараў толькі два кандыдаты не былі арыштаваныя — Лукашэнка і Цярэшчанка.

Цяпер Драко з’яўляецца сябрам аргкамітэта Беларускай камуністычнай партыі працоўных. Таксама ён старшыня Міжнароднага грамадскага аб’яднання «За Радзіму! За Сталіна!»

Васіль Зелікаў з’яўляецца старшынёй бальшавіцкай арганізацыі «Айчына». Ён кожны дзень прыходзіў на суд над «рэгнумаўцамі», актыўна каментаваў перыпетыі справы.

У 2014 годзе Зелікаў выступаў з заявай, каб Лукашэнка прызнаў незалежнасць Данецкай Народнай Рэспублікі. Зелікаў адзін з тых, хто прыходзіць на 7 лістапада да помніка Леніна з партрэтамі Сталіна. Шмат разважае пра «імперыялістычную палітыку ЗША».

Яшчэ адзін камуніст-бальшавік Леанід Школьнікаў збіраў грошы на помнік Сталіну ў Мінску. У 2010 годзе за паўгода ён сабраў 670 даляраў.

Ён прадстаўляе арганізацыю «За Саюз і камуністычную партыю Саюза». «Да нашай бяды, лідараў маштабу Уладзіміра Леніна ці Іосіфа Сталіна сучаснасць пакуль не вылучыла», — казаў у адным інтэрв’ю Школьнікаў.

«У чалавецтва - толькі два выйсці: або глабальны сацыялізм, альбо гібель цывілізацыі», — казаў Школьнікаў.

Станіслаў Акружко з’яўляецца старшынёй аргкамітэта па стварэнні Беларускай камуністычнай партыі працоўных, якой ужо шэсць разоў адмаўляў у рэгістрацыі Мінюст. Таварыш Акружко таксама выхадзец з ПКБ, але быў выключаны з партыі ў 2009 годзе. Акружка не пагаджаўся з пераіменаваннем партыі ў «Справядлівы свет».

«Яны абаранялі інтарэсы свайго народа», — казаў Акружко пра арыштаваных публіцыстаў «Рэгнума».

Каментары51

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Васкрасенскі: Адкрываецца неба — і Алесь Бяляцкі адразу выходзіць

Васкрасенскі: Адкрываецца неба — і Алесь Бяляцкі адразу выходзіць

Усе навіны →
Усе навіны

Іван Краўцоў: Заявы Ціханоўскай выглядаюць крывадушнымі54

Выйшаў на волю былы старшыня яўрэйскай абшчыны ў Гродне

Трамп сказаў, што ЗША давядзецца зноў пастаўляць зброю Украіне. Пентагон адразу ж абвясціў, што ўжо пачынае пастаўкі5

«Я быў у такой дупе, але паглядзіце на мяне». Стаўкі давялі беларуса да дна — ён расказвае, як выбраўся назад3

«Мне было 15». Былы студэнт абвінаваціў выкладчыка і кіраўніка ансамбля «Белая Русь» у дамаганнях, якія цягнуліся каля года13

Адзін укол — і слых вяртаецца. Навукоўцы зрабілі прарыў у лячэнні глухаты1

Былому намесніку начальніка расійскага Генштаба далі 17 гадоў зняволення1

«Плыве так вальяжна». У Бярозе ў возеры завялася «наша капібара» ВІДЭА

У лесе паміж Івянцом і Ракавам турысты сустрэлі рысь з рысянятамі ВІДЭА4

больш чытаных навін
больш лайканых навін

Васкрасенскі: Адкрываецца неба — і Алесь Бяляцкі адразу выходзіць

Васкрасенскі: Адкрываецца неба — і Алесь Бяляцкі адразу выходзіць

Галоўнае
Усе навіны →

Заўвага:

 

 

 

 

Закрыць Паведаміць