08.05.2018 / 19:55

Гродзенскія электрыкі першымі ў Беларусі пачалі карыстацца дронамі для кантролю за аб’ектамі 5

Стан ліній электраперадач, комінаў ТЭЦ ды іншых высокіх аб’ектаў цяжка кантраляваць з зямлі: дзесьці занадта высока, дзесьці пад’ехаць цяжка. Таму ўжо некалькі гадоў спецыялісты гродзенскіх электрасетак уздымаюцца над аб’ектамі на дроне, піша «Гродзенская праўда».

Што яны робяць з квадракоптарам?

«Гроднаэнерга» набыў квадракоптар DJI Phantom 4 летам 2016 года, яго пілотам стаў Аляксей Бярнацкі, спецыяліст прадпрыемства сродкаў дыспетчарскага і тэхналагічнага кіравання. Летам 2017 года з дапамогай дрона правяралі якасць рамонту аднаго з комінаў ТЭЦ-2 у Гродне: высветлілася, што да выканаўцы рамонту былі прэтэнзіі. Таксама з дапамогай дрона назіралі з вышыні за лініямі перадачы ў ваколіцах Гродна, якія стаяць на балоцістай мясцовасці, ацэньвалі, наколькі хутка зарастаюць просекі вакол ліній.

Другі дрон у 2017 годзе набылі Лідскія электрасеткі - там з яго дапамогай назіраюць за ветракамі ля Навагрудка.

Пакуль эксперымент, а калі стане нормай?

У лютым 2018 года «Гроднаэнерга» ўступіла ў Беларускую федэрацыю беспілотнай авіяцыі, пяцёра работнікаў атрымалі правы пілота і пасведчанні на кіраванне квадракоптарамі. Гэта дазволіць неўзабаве перайсці да пастаяннага выкарыстання дронаў у паўсядзённай працы.

На рэспубліканскай нарадзе па развіцці энергасістэмы, што прайшла ў сакавіку 2018 у Лідзе, было прапанавана пашырыць досвед гродзенцаў на ўсю краіну, каб у кожнай вобласці электрасеткі карысталіся дронамі.

13
Z Grodna / Адказаць
08.05.2018 / 19:58
To temu że Polska jest blisko.
2
а ф ь л А / Адказаць
08.05.2018 / 20:49
Проверить номера дронов. Не совпадают ли они случайно с номерами пропавших 25 марта на день воли дронов. В ином случае оикуда деньги на дроны с ценой от 3000 ю с д в нищей стране.
0
L.m. / Адказаць
08.05.2018 / 21:09
Вярнiце дроны!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру