22.10.2008 / 15:43

У Менск прывезьлі мошчы вялікага князя Ўладзімера 8

Ён хрысьціў Кіеўскую Русь і ...зруйнаваў Полацак, забіў Рагвалода, яго сыноў, гвалтам узяў Рагнеду ў жонкі.

У сераду, у гонар сьвяткаваньня 1020-годзьдзя Хрышчэньня Русі, у Менскі Сьвята-Духавы кафедральны сабор дастаўленая часьцінка мошчаў сьвятога роўнаапостальнага князя Ўладзімера, перадае БЕЛТА.

У двары галоўнага менскага храму рэліквію ўрачыста сустрэлі сьвятары менскай япархіі на чале зь мітрапалітам Менскім і Слуцкім, патрыяршым экзахрам Філарэтам.

Паводле сайту Беларускай праваслаўнай царквы, сьвятыня будзе знаходзіцца ў храме да 16 гадзін 25 кастрычніка (субота), пакланіцца ім можна будзе кругласутачна.

Заўтра ў Менск мае прыбыць кіраўнік Рускай праваслаўнай царквы, патрыярх Маскоўскі і ўсёй Русі, Аляксей ІІ.

***

Вялікі князь кіеўскі Ўладзімер (? – 1015) – пазашлюбны сын вялікага кіеўскага князя Сьвятаслава і ключніцы-нявольніцы Малушы Любячанкі. Ад 969 г. княжыў у Ноўгарадзе. Каля 980 г. захапіў Полацак, забіў князя Рагвалода, яго жонку, сыноў, а князёўну Рагнеду гвалтам зрабіў жонкай.

Пасьля захапіў Кіеў ды забіў князя Яраполка. Рэфармаваў язычніцкі культ і заснаваў пантэон галоўных багоў на чале зь Перуном.

Каля 988 г. зрабіў хрысьціянства дзяржаўнай рэлігіяй у г.зв. Кіеўскай Русі.

Наладзіў палітычныя, эканамічныя і культурныя сувязі зь Бізантыяй, Польшчай, Баўгарыяй, заходнеэўрапейскімі краінамі.

Кананізаваны ў ХІІІ ст. як роўнаапостальны сьвяты.

«Хрышчэньне Ўладзімера». Рэпрадукцыя фрэскі Віктара Васьняцова.

ул. інф.

0
Канец імпэрыі / Адказаць
22.10.2008 / 16:00
Захопнік,забойца і гвалтаўнік - імпэрскі ідал для Рыдыгэра і Вахрамеева. НН прапануе яму пакланяцца кругласутачна?
0
Filifionka / Адказаць
22.10.2008 / 16:00
Знаёмка ходзіць да усіх машчоў без разбору. Мінулы раз выпрасіла адпачынак у Турцыі, а замінулы - паступленьне дачкі. Цікава, што ёй гэты шалёны агурок ніспашле.
0
Янка / Адказаць
22.10.2008 / 16:09
Яноныя мошчэ трэба ў адным кошыку зь мікалаем II вазіць, ...
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру