10.05.2018 / 14:57

99-гадовага ветэрана, пра якога забыліся 9 мая, урэшце запрасілі на асобнае ўшанаванне 2

Мы расказвалі кранальную гісторыю, якая адбылася сёлета на 9 мая з 99-гадовым ветэранам вайны Ціханам Ветравым — яго не паклікалі на святкаванні Дня Перамогі, а ён схлусіў родным, што не пайшоў сам, бо баляць ногі.

Праўда, потым праўда выявілася, і на заклік праўнучкі ў сацсетках беларусы пачалі званіць спадару Ціхану на мабільны і віншаваць асабіста. 

Чытайце: 99-гадовага ветэрана не паклікалі на Плошчу Перамогі, але беларусы кінуліся віншаваць яго па тэлефоне

Як нам стала вядома, гісторыя мае свой працяг: пасля розгаласу ў інтэрнэце Ціхану Іосіфавічу ўсё ж пазванілі з адміністрацыі раёна і запрасілі «пры поўным парадзе» ў гатэль «Рэнесанс», каб ушанаваць яго асабіста. 

Сваякі ветэрана паведамілі нам, што гэты казус патлумачылі тым, што нібыта «ў паліклініцы забаранілі клікаць Ціхана Іосіфавіча». 

Сваякі сумняюцца ў праўдзівасці такой версіі, але радуюцца, што ўсё вырашылася: «Як даўно паліклінікі ўпаўнаважаныя нешта забараняць? Мо, паліклініка таксама забараніла нават пазваніць палкоўніку з віншаваннямі?»

А праўнучка Ціхана Іосіфавіча расказала нам, што ветэран нават не здолеў адказаць на ўсе званкі, якія яму паступалі. 

«Дазваніўся да Ціхана Іосіфавіча!!! Вельмі моцны духам чалавек, жыццялюб, зразумеў з першых словаў! Не толькі прыняў віншаванні, але і віншаваў у адказ», — пішуць людзі ў інтэрнэт-абмеркаваннях здарэння. 

АЯ

1
Адэля / Адказаць
10.05.2018 / 15:40
Якая мужчынская вартасць, не жаліўся нікому. Сённяшнія поўная супрацьлегласць!
0
як у суседзяў / Адказаць
11.05.2018 / 16:12
Украинские моряки провели в Одессе небольшой парад под балконом 97-летнего ветерана Ивана Кулибабы, не способного покинуть свою квартиру. ВИДЕО  https://censor.net.ua/video_news/3065417/
Каб пакінуць каментар, калі ласка, актывуйце JavaScript у наладах свайго браўзеру