10.05.2018 / 16:04

Ідэолаг зняла георгіеўскую стужку са школьніцы ў Слуцку. Бацька дзяўчынкі абураны. Чыноўнікі: Усё правільна зрабіла! ВІДЭА 189

Інцыдэнт адбыўся раніцай 9 мая. Шасцікласніца з мясцовай школы №9 стаяла ў калоне з іншымі школьнікамі, каб выйсці на святочнае шэсце. Да дзяўчынкі падышла жанчына, зняла георгіеўскую стужку з кветкай, якая была на грудзях у школьніцы, і адправілася далей інспектаваць калону, піша kurjer.info.

Тая самая стужка. Фота бацька школьніцы перадаў журналістам kurjer.info

Бацькі дзяўчыны спыталіся, што адбываецца. Жанчына патлумачыла, што яна ідэолаг, а ў Беларусі свая ідэалогія.

Размову з жанчынай бацька запісаў на відэа, якое паабяцаў адправіць «на сайт прэзідэнта».

У піянера, у якога беларускі піянерскі гальштук, павінна быць беларуская сімволіка Перамогі, сказала ідэолаг бацьку школьніцы.

Той абурыўся: «Сімволіка Перамогі супольная для ўсіх! Няма беларускай сімволікі Перамогі».

«Я не буду з вамі лаяцца. Адкрывайце дакументы і чытайце», — адказала жанчына.

Пазней стала вядома, што жанчына — метадыстка мясцовага аддзела адукацыі.

«Пакарання для метадысткі не будзе. У дзяцей на мерапрыемстве мусіла быць пэўная форма. Метадыстка ўсё правільна зрабіла», — паведаміла «Нашай Ніве» Алена Бандарэнка, намесніца начальніка аддзела адукацыі Слуцкага райвыканкама.

Праўда, пагаварыць з самой метадысткай не атрымалася — па словах начальніцы, жанчына ў камандзіроўцы.

УШ

17
? / Адказаць
10.05.2018 / 16:09
не со школьницы а с пионерки
45
ВасільС. / Адказаць
10.05.2018 / 16:10
Рэспект жанчыне! Дзяды не насілі тую стужку, пра якую бацька расказваў.
163
тоска / Адказаць
10.05.2018 / 16:10
Гос-ву всё равно кого и за что травить.
Паказаць усе каментары/ 189 /
Каб пакінуць каментар, калі ласка, актывуйце JavaScript у наладах свайго браўзеру