Ваенна-транспартны самалёт Іл-76 Міністэрства абароны Беларусі ў ноч на 22 кастрычніка на запатрабаваньне іранскіх уладаў зьдзейсьніў пасадку ў аэрапорце гораду Бушэр, паведамляюць у МЗС.
«На борце самалёта знаходзілася беларуская ваенная дэлегацыя, што кіравалася ў горад Доха (Катар) для ўдзелу ў падсумаваньні міжнародных вучэньняў Ferocious Falcon. Маршрут сьледаваньня быў загадзя ўзгоднены з іранскім бокам у адпаведнасьці зь міжнароднай практыкай», - зазначаюць у МЗС.
Для ўрэгуляваньня сытуацыі ў МЗС Беларусі 22 кастрычніка быў запрошаны пасол Ірану ў Беларусі Сеед Адбалла Хасэйні.
«Іранскі бок, у тым ліку па ваеннай лініі, выказаў спачуваньньне з прычыны выпадку і запэўніў ў намеры правесьці поўны аналіз акалічнасьцяў сытуацыі, выкліканай адміністрацыйнымі хібамі», -- гаворыцца з паведамленьні МЗС.