10.05.2018 / 23:54

Каталонскія лідары ў турме або выгнанні, незалежнікі выберуць прэм'ерам кнігавыдаўца 8

Былы кіраўнік каталонскага жэнэралітэта Карлес Пучдэмон прапанаваў у новыя кіраўнікі ўрада кандыдатуру дэпутата ад партыі «Разам за Каталонію» Жаакіма (Кіма) Тору.

Пучдэмон знаходзіцца ў Берліне і чакае рашэння нямецкага суда аб яго экстрадыцыі ў Іспанію. Сваю заяву ён распаўсюдзіў у сацыяльных сетках.

«У нас ёсць магчымасць развіваць мандат 1 кастрычніка [дзень рэферэндуму аб незалежнасці] І будаваць краіну свабод і правоў, чаго патрабуюць мільёны. Я асабіста дзякую Кіму Тору за гатоўнасць да цяжкай працы і ахвярнасць, патрэбныя, каб заняць пасаду ў такіх надзвычайных абставінах», — напісаў Пучдемон ў Twitter.

Жаакім Тора 20 гадоў працаваў у прыватных кампаніях, у тым ліку ў Швейцарыі. Цяпер ён займаецца выдавецкім бізнэсам. Яму належыць выдавецтва кніг на каталонскай мове A Contra Vent Editors, ён і сам піша кнігі.

Тора быў сябрам кіраўніцтва парасонавай грамадскай арганізацыі незалежнікаў Каталонская нацыянальная асамблея, віцэ-старшынёй і старшынёй іншай грамадскай арганізацыі Òmnium Cultural — аналага нашай кампаніі «Будзьма».

Каталонцы — асобны народ, які жыве на паўночным усходзе Іспаніі. У аўтаномным рэгіёне Каталоніі жыве амаль 8 млн чалавек. Пасля смерці дыктатара Франка і пераходу краіны да дэмакратыі каталонцаў удалося адрадзіць сваю мову. У 2017 годзе яны правялі рэферэндум аб незалежнасці.

Пасля гэтага іспанскія ўлады арыштавалі кіраўнікоў незалежніцкіх арганізацый, а кіраўнік урад Каталоніі Пучдэмон паспеў выехаць за мяжу.

Сяргей Гезгала; фота naciodigital.cat

13
Belarus z Barcelony / Адказаць
11.05.2018 / 00:04
Barcelona suprac novych murau u Europe Viva Espana! Stop pucinskaj prapagandze
1
user / Адказаць
11.05.2018 / 00:36
Belarus z Barcelony, Вы аб чым? З якіх пор Вы кажаце за Барселону і прычым тут Пуцін? 
6
user / Адказаць
11.05.2018 / 00:45
Если бы правительтсво в Мадриде имело хоть чуточку чести и достоинства, то ушло бы в отставку. За период своего правления привели страну к глубокому политическому кризису. Сами назначили перевыборы в Каталонии и проиграли их (назначили шулерским методом, в надежде на лёгкую победу). Очень весомые аргументы уйти, но не тут-то было...
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру