11.05.2018 / 19:43

Падчас земляных работ ля Каложскай царквы ў Гродне трапляюцца пахаванні людзей 4

Пахаванні людзей выявілі будаўнікі ля Каложскага храма падчас работ па добраўпарадкаванні тэрыторыі. Усе астанкі зараз збіраюць, каб пасля судова-медыцынскай экспертызы перапахаваць ля царквы, піша Hrodna.life.

Праект па ўпарадкаванню тэрыторыі ля Каложы ўключае ў сябе абнаўленне дрэнажнай сістэмы, адвод вады ад падмурка храма, а таксама замену бруку на тэрыторыі.

«Няма нічога дзіўнага, што падчас парадкавання тэрыторыі храма рабочыя знаходзяць пахаванні. Вядома, што тут хавалі людзей вельмі доўгі час. Такая была практыка, — распавядае настаяцель храма Аляксандр Балоннікаў. — Усё, што знаходзім, мы захоўваем і пасля правядзення судова-медыцынскіх экспертыз перапахаваем паводле праваслаўнага абраду з памінальнай малітвай».

Вядома, што працы на тэрыторыі храма ідуць пад наглядам кіраўніка навуковага праекта. Адказная арганізацыя - УКБ Гродзенскага аблвыканкама.

Сур’ёзныя раскопкі на тэрыторыі ля Каложы праводзіліся ў 1930-х гадах, у савецкі час, а таксама ў пачатку 2000-х гадоў. Цяпер археолаг на месцы не прысутнічае, нягледзячы на тое, што вядуцца земляныя работы.

0
Ls / Адказаць
12.05.2018 / 12:46
Цікава дзе астанкі зпад касцёла св. Юзафа і з-пад сабора св. Духа ў Мінску. Перазахавалі? Дзе?
3
Юры з-пад Дворышча / Адказаць
12.05.2018 / 13:19
"Сур’ёзныя раскопкі на тэрыторыі ля Каложы праводзіліся ў 1930-х гадах, у савецкі час, а таксама ў пачатку 2000-х гадоў. Цяпер археолаг на месцы не прысутнічае, нягледзячы на тое, што вядуцца земляныя работы."

Сучасная Беларусь - на ніжэйшым інтэльлектуальным узроўні, чым у 1930-ыя і нават радзецкія часы. Віват!

https://nn.by/?c=ar&i=209457
0
Шабаны / Адказаць
13.05.2018 / 11:39
Ls, судя по историям о сносе старых минских кладбищ в советское время, с останками в этом городе вообще никогда не церемонились. Выкидали, свозили куда-то вместе с грудами земли как грунт и т.д.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру