Лідар партыі «Наперад, Італія», былы прэм'ер-міністр Італіі Сільвіа Берлусконі зноў можа балатавацца на выбарах: надглядны суд Мілана адмяніў ранейшае судовае рашэнне, якое забараняла яму ўдзельнічаць у выбарах да 2019 года, піша газета Corriere della Sera.
Рашэнне суда ўжо ўступіла ў законную сілу, піша газета, хоць яго можа аспрэчыць пракуратура Мілана.
У 2013 годзе Вярхоўны касацыйны суд Італіі пацвердзіў прысуд Берлусконі па справе кампаніі Mediaset. Экс-прэм'ер быў прыгавораны да чатырох гадоў пазбаўлення волі за фінансавыя махінацыі, пры гэтым палітык на шэсць гадоў, да 2019 года, пазбаўляўся права займаць публічныя пасады і ўдзельнічаць у выбарах.
Тэрмін зняволення спачатку быў скарочаны да аднаго года па законе аб памілаванні, а пазней яго замянілі на грамадскія працы ў доме для састарэлых з абмежаванымі магчымасцямі.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары