14.05.2018 / 14:41

Гей-скандал у Следчым камітэце? Пасады страцілі некалькі супрацоўнікаў 118

Незвычайная гісторыя адбылася ў адным з раённых аддзяленняў Следчага камітэта па Гродзенскай вобласці. Як стала вядома «Нашай Ніве» з крыніц у сілавых органах, некалькі аднаполых супрацоўнікаў СК мелі адзін да аднаго амурныя пачуцці. Характарам адносін афіцэраў зацікавілася ўпраўленне ўласнай бяспекі Следчага камітэта і ў пачатку мая аператыўнікі заспелі іх у атмасферы жарсці проста ў працоўным кабінеце.

Прынамсі, так сцвярджаюць крыніцы. 

Як было насамрэч?

Афіцыйна пацверджана, што некалькі следчых і кіраўнік таго раённага ўпраўлення звольнены.

«У […] упраўленні самастойна прынялі рашэнне і разарвалі адносіны па згодзе бакоў: начальнік і некалькі следчых.

Усе пастаўленыя задачы раённае аддзеленне выконвае ў поўнай меры. Гэта ўсё, я максімальна ясна кажу — супрацоўнікі звольніліся па сваім жаданні», — сказаў «Нашай Ніве» прэс-афіцэр гродзенскага Следчага камітэта Сяргей Шаршаневіч.

На пытанне, ці былі ў гэтай сітуацыі элементы скандалу, Шаршаневіч адказваць не стаў, паўтарыўшы, што «ўсё сказана».

Крыніцы ў ведамстве тлумачаць, што фармальна інтым на працоўным месцы трактаваўся як парушэнне працоўнай этыкі, кодэкса гонару афіцэраў Следчага камітэта.

Былы начальнік раённага СК не стаў адказваць на пытанне аб прычынах звальнення — кінуў трубку. 

Адзначым, што тыдзень таму ўказам прэзідэнта знянацку быў зняты начальнік Следчага камітэта па Гродзенскай вобласці, генерал-маёр Іосіф Леанко. 

АЯ

11
Мулла Омар / Адказаць
14.05.2018 / 14:48
А может это любофф?
17
Петр / Адказаць
14.05.2018 / 14:48
Любовь сильнее, чем некоторым кажется))
46
Добры Дзень / Адказаць
14.05.2018 / 14:49
Ці возьмуцца леваабаронцы за абарону правоў?
Паказаць усе каментары/ 118 /
Каб пакінуць каментар, калі ласка, актывуйце JavaScript у наладах свайго браўзеру