14.05.2018 / 23:18

Сямашка распавёў пра тарыфы на электраэнергію пасля запуску атамнай электрастанцыі 26

У Беларусі пасля запуску АЭС будуць імкнуцца да зніжэння тарыфаў на электраэнергію для рэальнага сектара эканомікі, аднак шмат будзе залежаць ад дамоўленасцей з Расіяй па газе, паведаміў сёння намеснік прэм'ер-міністра Беларусі Уладзімір Сямашка ў Сочы, перадае БелТА.

Праект Беларускай АЭС.

Сёння насельніцтва пакрывае каля 85% выдаткаў на электраэнергію, якая спажываецца

Стаіць задача на працягу двух гадоў выйсці на поўную кампенсацыю, але гэта будзе па меры росту заработнай платы і пенсій. Па цяплу насельніцтва аплачвае 16,8% выдаткаў, задача выйсці на 100% зараз не ставіцца.

«У шэсць разоў падняць кошты — хто вытрымае? Нават заможныя ці людзі з сярэднім дастаткам не могуць. Мы такую задачу і не ставім у бліжэйшы час», — растлумачыў віцэ-прэм'ер.

У рэальным сектары эканомікі трэба ісці да зніжэння тарыфаў — хоць бы да 10 цэнтаў за 1 кВт·г (цяпер 11 цэнтаў за 1 кВт·г). А ў перспектыве Беларусь будзе імкнуцца прывесці тарыфы на электраэнергію да ўзроўню дзеючых у Расіі.

Віцэ-прэм'ер разлічвае, сабекошт вытворчасці электраэнергіі будзе зніжацца, гэта ўжо зараз можна бачыць на прыкладзе новых станцый. З уводам АЭС выпрацоўка ўласнай электраэнергіі будзе абыходзіцца Беларусі яшчэ танней, упэўнены ён.

0
Žvir / Адказаць
14.05.2018 / 23:24
Usio pryviazvajecca da Rasieji. Pra kosty na paliva ūžo pisali, ciapier vo taryfy na e/e, raniej paviedamliali pra adzinuju vizu, mytny kodeks...idzie pavolnaje pahlynaņnie Bielarusi Rasiejaj, hibrydny anšlius...
1
хамса / Адказаць
14.05.2018 / 23:25
аэс, ад якой адмаўляюцца ўсе суседзі.. каб жа яна хаця не была асабліва дарагая нам.. ладна ў грашовым, каб хаця не ў фізічным плане.. бяспекі
0
Ясна ўсё / Адказаць
14.05.2018 / 23:31
Карацей, усё ізноў падаражэе, бо трэба будзе аддаваць крэдыт і працэнты па крэдыту Расеі. За расейскую БелАЭС. А тушыць будучы пажар на ёй будзе Коля.
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру