14.05.2018 / 23:44

Двое грамадзян Малдовы спрабавалі выехаць з Беларусі пад цюкамі з адзеннем 2

Двое грамадзян Малдовы спрабавалі выехаць з Беларусі ва Украіну пад цюкамі з адзеннем, паведамляе Дзяржпагранкамітэт.

Інцыдэнт адбыўся 11 мая ў пункце пропуску «Новая Рудня» на мяжы з Украінай. Мазырскія памежнікі выявілі двух парушальнікаў мяжы з Малдовы. Мужчыны хаваліся пад цюкамі з адзеннем. Пашпартоў у іх з сабой не было.

Вярталіся яны дадому ў Малдову з Санкт-Пецярбурга, дзе працавалі на будоўлі. Кіроўца, таксама грамадзянін Малдовы, ведаў пра сваіх нелегальных пасажыраў, але хацеў на іх зарабіць.

У выніку ў дачыненні да яго распачата крымінальная справа па ч.1 ст.371-1 КК (арганізацыя незаконнай міграцыі). Яму пагражае да 5 гадоў пазбаўлення волі.

Двое яго суайчыннікаў затрыманыя да высвятлення асобы. У дачыненні да іх распачаты адміністрацыйны працэс па арт. 23.29 (незаконнае перасячэнне мяжы) і 23.55 (парушэнне правіл знаходжання) КаАП.

0
Сергей / Адказаць
15.05.2018 / 11:53
Потеряли паспорт думали так прокатит но не прокатило, но вот зачем же уголовное дело он что боевиков с оружием провозил, ну дайте штраф, да и всё. Нет же нужно поломать судьбу человеку и посадить на шею налогоплательщика очередного зека.
0
Уладзімер / Адказаць
15.05.2018 / 15:58
Хоч тушкай, хоч пудзілам з гэтуль трэба валіць. )))
Каб пакінуць каментар, калі ласка, актывуйце JavaScript у наладах свайго браўзеру