15.05.2018 / 15:26

«Адрэзаў галаву і выкінуў у раку» — за што вясковец з-пад Рэчыцы атрымаў пажыццёвы тэрмін 5

Гомельскі абласны суд агучыў вырак 63-гадоваму вяскоўцу, якога вінавацілі ў нанясенні цяжкіх цялесных пашкоджаннях і забойстве, паведамляе sb.by.

Здарылася ўсё ў вёсцы Аляксандраўка Рэчыцкага раёна ў снежні 2017 года. Абвінавачаны, выпіваючы з аднавяскоўцам, успомніў яму старую крыўду. Маўляў, калі ён ляжаў у лякарні, то прыяцель залез у дом і вынес прадукты. На фоне спіртнога вырашыў правучыць госця драўлянай палкай. Збітага выштурхаў за парог і лёг спаць.

Раніцай ён знайшоў аднавяскоўца ў двары. Прыкмет жыцця той не падаваў.

Далей абвінавачаны чамусьці разрэзаў труп суседа. Галаву выкінуў у раку, а цела выцягнуў за дом на пустку ў лясным масіве, дзе і пакінуў. Пасля патэлефанаваў сястры і прыяцелю, паведаміўшы, што «напэўна, забіў чалавека і хутка сядзе».

Падчас судовага працэсу фігурант настойваў на тым, што забіваць не планаваў. Хацеў толькі правучыць.

У выніку, мужчыну (які раней ужо меў судзімасці) асудзілі да пажыццёвага зняволення ў калоніі асаблівага рэжыму. Прысуд пакуль не ўступіў у сілу. 

УШ

2
Отож! / Адказаць
15.05.2018 / 16:23
Он тоже одобрил бесполезное кровожадное убийство палестинцев за то, что те вышли на митинг!
1
Адрэзаў галаву і выкінуў / Адказаць
15.05.2018 / 17:04
А кажуць што беларусiкi цiхiя, спакойныя, добранькiя i памяркоуныя, i што у нас мол нiколi не будзе так як у Румынii, Лiвii, Украiне, Сiрыi... ага, калi дапякуць канчаткова то будуць вiлы
1
Читатель / Адказаць
15.05.2018 / 17:11
Вообще-то это умышленное нанесение тяжких телесных повреждений, приведших к смерти человека, и дополнительно скрытие следов преступления. Тут даже ч.1 убийства нету. Другие топорами забивают человека и через 5 лет освобождаются, а тут ПЛС.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру