Адзіны ў Беларусі музей піваварэння «Аліварыя» 19 мая правядзе займальны бірквэст-хопінг, прымеркаваны да міжнароднай акцыі «Ноч музеяў — 2018». Стаць удзельнікам унікальнага для Беларусі мерапрыемства і правесці вечар у піўным туры па мінскіх барах можна абсалютна бясплатна!
Што такое бірквэст-хопінг?
Бірквест-хопінг — гэта эксклюзіўны фармат адпачынку, які ўяўляе сабой мікс з піўнога квэста і бар-хопінга. Пры гэтым аматарам піва прапануецца дынамічны фармат наведвання розных устаноў за абмежаваны тэрмін, падчас якога ім трэба будзе выконваць заданні квэст-гульні, звязаныя з піваварнай і культурай спажывання піва.
Бар-хопінг — гэта новы трэнд у піўной культуры, які мае на мэце хуткую змену лакацый і дазваляе наведаць некалькі ўстаноў за адзін вечар, па маршруце дэгустуючы напоі.
Што вас чакае?
Падчас бірквэст-хопінга вы зможаце праверыць свае веды аб асноўных інгрэдыентах, з якіх вырабляецца піва, аб працэсе піваварэння і яго этапах, а таксама аб спалучэнні піва з ежай. Вам давядзецца адказаць на падступныя пытанні піўных самелье, паблукаць па лабірынце піваварэння і правільна падабраць закускі да розных стыляў піва. А фінальным пунктам у маршруце бірквест-хопінга стане пасвячэнне ў сапраўдныя піўныя эксперты ў сакрэтным фармаце.
Якія ўстановы вы наведаеце?
У ходзе барнага маршруту, які стартуе і фінішуе ў музеі «Аліварыя», вы пабываеце ў некалькіх любімых мінчанамі месцах адпачынку. Першым пунктам стане крэатыўнае кафэ ў цэнтры Мінска Sprava, далей вам прапануюць перамясціцца ва ўсім вядомы TNT ROCK CLUB, а затым вас ласкава прыме ў сябе ўстанова на самай тусовачнай барнай вуліцы сталіцы Зыбіцкай — кафэ Don Coffe'On.
Як трапіць на мерапрыемства?
Узяць удзел у бірквэст-хопінгу цалкам бясплатна можа любы ахвотны, які дасягнуў паўналецця. Для гэтага рэгіструйце каманду ад 2-х да 5-ці чалавек па спасылцы. Кожнай камандзе будзе аўтаматычна высланы электронны білет, які неабходна прад'явіць на ўваходзе. Напярэдадні мерапрыемства ўсе зарэгістраваныя ўдзельнікі ў электронным лісце атрымаюць ўказанне часу старту.
Спяшайцеся: колькасць месцаў абмежавана!
Старт:
Музей «Аліварыя», г. Мінск, вул. Кісялёва, 30
Калі:
19 мая 2018 г., субота
Час:
Пачатак маршруту для каманд — 16.30 — 19.30
Заканчэнне бірквэст-хопінга — 21.30
18+
Па дадатковую інфармацыю пра бірквэст-хопінг звяртайцеся да Аляксандры Грыбанавай, вядучага спецыяліста па карпаратыўных камунікацыях піваварнай кампаніі «Аліварыя», Carlsberg Group
+375 29 500 01 92, [email protected]