16.05.2018 / 08:58

Герояў паўстання Каліноўскага пахаваюць у Вільні без беларускай дэлегацыі 14

Выяўленыя на Замкавай гары ў Вільні парэшткі паўстанцаў Каліноўскага будуць пахаваныя на віленскіх могілках «Росы». Такое рашэньне абвясьціла літоўская ўрадавая камісія, піша Радыё Свабода са спасылкай на wilnoteka.lt.

Цырымонія адбудзецца ў ліпені або жніўні 2019 году з удзелам прадстаўнікоў польскага боку і будзе мець рэлігійны характар.

«Мы плянуем арганізаваць супольныя ўрачыстасьці з польскім бокам, для Польшчы гэта таксама вельмі важна, а з гістарычнага пункту гледжаньня магчыма і важней, чым для нас», — сказаў віцэ-канцлер ураду Літвы Дэйвідас Матулёніс.

Сярод двух магчымых варыянтаў месца была абараная капліца на «Росах». Іншыя варыянтам была капліца ў касьцёле сьвятых Філіпа і Якуба на Лукіскай плошчы, дзе яны былі пакараныя сьмерцю.

«Гэта будзе своеасаблівы пантэон кіраўнікоў паўстаньня 1863-64 гадоў», — сказаў Матулёніс.

Вядома, што ў 1863-64 гадах на Лукіскай плошчы былі пакараныя сьмерцю 21 лідэр і ўдзельнік паўстаньня Каліноўскага. На Замкавай гары да гэтага часу былі выяўленыя парэшткі 17 зь іх. 13 целаў ужо ўдалося ідэнтыфікаваць.

Навукоўцы перакананыя, што ня маюць сумневу наконт парэшткаў Зыгмунта Серакоўскага. Пры ім быў знойдзены пярсьцёнак з выгравіраванымі імёнамі — Зыгмунт і Апалёнія, а таксама дата шлюбу — 1862 год: «Zygmund Apolonija 11 Sierpnia / 30 Lipca 1862 r.». Пра пакараньне сьмерцю іншага паўстанца на імя Зыгмунт навукоўцам невядома.

Чытайце таксама: Знойдзеныя парэшткі Зыгмунта Серакоўскага? Пра гэта сведчыць пярсцёнак

Парэшткі самога Кастуся Каліноўскага пакуль не ідэнтыфікаваныя да канца. Паводле прарэктара Віленскага ўнівэрсытэту, прафэсара мэдычнага факультэту Рымантаса Янкаўскаса, «ёсьць рэальны кандыдат, але пакуль нельга на 100% сказаць, што гэта парэшткі Каліноўскага».

У чэрвені пачынаюцца чарговыя пошукі парэшткаў ня знойдзеных дагэтуль чатырох з 21 паўстанца, якія былі пакараныя сьмерцю на Лукіскай плошчы.

4
Inger / Адказаць
16.05.2018 / 09:09
A chto zaminaje delegadcyi chaciažby ad NN sabracca i pryvatnym trybam pajechac' u Viļniu z b-č-b, z bielaruskaj pramovaj pra supolnyja padziei. Da lipienia jašče jos'c', pačynajcie rychtavacca!
3
Гісторык / Адказаць
16.05.2018 / 09:10
Думаю. што грамадзкая дэлегацыя ад Беларусі і ад беларусаў Літвы будзе ў любым выпадку. А запрашаць прадстаўнікоў сёньняшняй улады - нашчадкаў Мураўёва-вешальніка - было б зьдзекам з памяці Каліноўскага і іншых паўстанцаў.
3
З-пад Гомля / Адказаць
16.05.2018 / 09:17
Вось такія сумныя вынікі ўсіх гэтых шлюзаў-саюзаў.
Дагуляліся ў какей біеларусікі?
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру