16.05.2018 / 14:00

Вольскі, «Дзецюкі» і Вайцюшкевіч выступяць на вялікім рок-фестывалі пад Мінскам 6

30 чэрвеня на тэрыторыі Музея народнай архітэктуры і побыту пад Мінскам адбудзецца новы рок-фестываль «Наш дзень», лайн-ап якога складаецца з 12 найлепшых імёнаў сучаснай беларускай рок-музыкі.

У фэсце возьмуць удзел: Volski, Dzieciuki, Akute, B:N:, «Дай дарогу!», Nizkiz, «Крама», The Superbullz, Мутнаевока, Зміцер Вайцюшкевіч, Пётр Клюеў. Першая партыя квіткоў будзе каштаваць 20 рублёў. Старт продажу — а 12-й у сераду 23 мая. За інфармацыяй пра мерапрыемства можна сачыць на старонках у Facebook і VK.

— Беларуская фестывальная культура развіваецца, у афішы ўсё больш фэстаў з удзелам папулярных замежных артыстаў. Але трохі крыўдна, што класныя беларускія музыкі часцяком застаюцца на другім плане. Мы хочам выправіць гэтую сітуацыю па прыкладзе суседніх краін, дзе даўно шмат фэстаў з акцэнтам на сваю музыку, — кажа адзін з арганізатараў мерапрыемства Уладзімір Плавінскі.

Фестываль будзе адбывацца з 12.00 да 22.00. Вялікі лайн-ап дапоўняць адукацыйныя актыўнасці, гульні для дзяцей і дарослых, цікавыя квэсты, фудкорты, кірмаш і іншыя забавы. Ад станцыі метро «Малінаўка» будзе курсіраваць фестывальны аўтобус. Музей народнай архітэктуры і побыту знаходзіцца ў вёсцы Азярцо — 4 км ад МКАД за аўтарынак «Малінаўка». Інфалінія: (033) 661 14 32.

0
касманаўт / Адказаць
16.05.2018 / 14:12
Аааееее
6
Мітрафан / Адказаць
16.05.2018 / 14:21
Лепшы беларускі рок-гурт гэта Gods Tower!
1
Hedymin / Адказаць
16.05.2018 / 15:04
Як хутка Кулінковіч зноў стаў ''сваім''
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру