Reuters.com
Кіраўнік МЗС Беларусі Уладзімір Макей лічыць, што сёння краінам неабходны дыялог, каб вырашаць праблемы, якія многія не заўважаюць. Пра гэта ён заявіў журналістам да пачатку форуму «Мінскі дыялог».
— Дыялог патрэбен тады, калі існуюць нейкія праблемы, якія падлягаюць вырашэнню. Ад «Мінскага дыялогу» мы чакаем, як мінімум, канструктыўнага абмеркавання праблем, якія існуюць у нашым рэгіёне, у свеце, якія неабходна вырашаць і на якія некаторыя палітычныя дзеячы глядзяць пагардліва ці не заўважаюць іх, — заявіў Макей.
Па словах кіраўніка МЗС, штучна нічога не зробіш, краіне трэба займаць сумленную і прынцыповую пазіцыю па ўсіх пытаннях. І Беларусь, як ніхто, разумее тую сітуацыю канфрантацыі, якая існуе ў рэгіёне.
З нагоды поўнай адмены санкцый ЕС Макей заявіў, што ў гэтым пытанні трэба рухацца паступова.
- Я не магу сказаць, калі будуць адмененыя канчаткова ўсе санкцыі. Я лічу, што, рухаючыся крок за крокам наперад, мы вырашым усе пытанні, звязаныя з адменай санкцый. Але ўзаемадзеяння з нашымі амерыканскімі і еўрапейскімі партнёрамі, паказваюць, што сёння мы знаходзімся ў сітуацыі, калі ўсе бакі імкнуцца да паступовага вырашэння тых пытанняў, якія існуюць з нашымі партнёрамі.
