23.05.2018 / 15:25

СК спыніў справу аб гібелі ў Печах Міхаіла Беўзюка 2

17 траўня Следчы камітэт спыніў справу аб давядзенні да самагубства салдата тэрміновай службы Міхаіла Беўзюка з Азарычаў. Папярэдняе расследаванне цягнулася роўна паўгода і не знайшло складу злачынства ў смерці хлопца. Паведамленне пра гэта атрымаў Юрый Бяўзюк, брат загінулага салдата, паведамляе Еўрарадыё.

19 сакавіка 2015 года Міхаіл Бяўзюк патэлефанаваў брату з Печаў, дзе праходзіў службу, з просьбай прыехаць да яго ў бліжэйшыя выходныя і прывезці неабходныя рэчы. 20 сакавіка Міхаіл зноў затэлефанаваў брату і ўдакладніў спіс неабходных рэчаў. А зранку 21 сакавіка Юрыю Беўзюку затэлефанавалі з вайсковай часці і паведамілі, што Міхаіл павесіўся.

Справа Міхаіла Беўзюка прагучала ў СМІ пасля рэзананснай гібелі ў Печах 21-гадовага пінчука Аляксандра Коржыча. Юрый Бяўзюк паставіў пад сумнеў афіцыйную версію пра суіцыд брата ў войску. З дапамогай праваабаронцы Леаніда Судаленкі ён звярнуўся ў Следчы камітэт, патрабуючы пачаць крымінальную справу па факце магчымага давядзення маладога салдата да самагубства.

Аднак расследаванне не адкрыла новых абставінаў у смерці Міхаіла Беўзюка. Яго сваякі маюць права азнаёміцца з матэрыяламі крымінальнай справы. Таксама яны могуць абскардзіць пастанову аб спыненні папярэдняга расследавання ў пракуратуры ці ў судзе.

0
Шляхціц размазня / Адказаць
23.05.2018 / 15:45
Уроды, дело Коржича их ничему не научило, зачем нам такая армия, где насилуют солдат и шакалы-офицеры занимаются грабежом. Форма эта ваша ничего не стоит, господа шакалы!
0
меркаванне / Адказаць
23.05.2018 / 18:51
Калі нават пасля такога скандала са смерцямі такое рашэнне ск, то, значыць, нечага ў тую армію адпраўляць маладых беларусаў, калі яны адтуль могуць не вярнуцца. А тыя, хто вяртаецца, то ўсё жыццё будуць памятаць як там іх прыніжалі. А ім трэба быць годнымі мужамі і бацькамі.

Каб пакінуць каментар, калі ласка, актывуйце JavaScript у наладах свайго браўзеру