Вярхоўны суд Беларусі вынес украінскаму журналісту Паўлу Шаройку прысуд. Ён атрымаў «больш за восем гадоў пазбаўлення волі». Пра гэта журналістам да пачатку форуму «Мінскі дыялог» заявіў пасол Украіны ў Беларусі Ігар Кізім, піша Tut.by.
— Зараз Шаройка знаходзіцца ў СІЗА КДБ. На днях яго наведваў ўкраінскі консул, на ўмовы ўтрымання асуджаны не скардзіцца, — сказаў Кізім. З Шаройкам таксама бачылася яго жонка.
Суд над Шаройкам пачаўся ў лютым. Працэс Вярхоўны суд не каментаваў.
За што быў асуджаны ўкраінскі журналіст?
У лістападзе мінулага года КДБ Беларусі паведаміў, што пры правядзенні агентурнай акцыі затрымаў кадравага супрацоўніка галоўнага ўпраўлення разведкі Міністэрства абароны Украіны Паўла Шаройку. Паводле звестак КДБ Беларусі, у краіне ён стварыў агентурную сетку з ліку грамадзян Рэспублікі Беларусь, якія за грашовае ўзнагароджанне выконвалі яго заданне па зборы звестак разведвальнага характару ў ваенна-палітычнай сферы. У дачыненні да Паўла Шаройкі заведзена крымінальная справа па арт. 358 КК Беларусі (Шпіянаж) і прынята рашэнне аб ўжыванні меры стрымання ў выглядзе ўтрымання пад вартай.
Павел Шаройка распавёў, што каардынацыю яго разведвальнай дзейнасці ажыццяўляў супрацоўнік галоўнага ўпраўлення разведкі Міністэрства абароны Украіны Ігар Скварцоў, які дзейнічаў пад прыкрыццём пасады дарадцы пасольства Украіны ў Беларусі. За дзейнасць, несумяшчальную з дыпламатычным статусам, Ігар Скварцоў абвешчаны персонай нон грата.
Паралельна ва Украіне пачаўся судовы працэс над беларусам Юрыем Палітыкай, якога затрымалі летам 2017 года ў Чарнігаве. Яго ўкраінскі бок абвінавачвае ў шпіянажы.
-
Яна прыняла іслам, а ён палюбіў дранікі. У Магілёве пабраліся шлюбам беларуска і пакістанец
-
У Гомелі жанчыну выселілі з інтэрната проста на вуліцу. Яна маці двух дзяцей, але гэта ў залік не пайшло
-
Пайшоў у банкруцтва рэстаран, які належаў сям'і Зінгмана. Даўгоў больш чым на мільён даляраў, а маёмасці на 389 рублёў
Каментары