23.05.2018 / 15:53

Літва не выявіла парушэнняў пры надглядзе ў аэрапорце беларускі, якая скардзілася на эндаскапію 10

Больш за два месяцы беларускі бок чакаў адказу на запыт аб надглядзе Нікі Кошар у аэрапорце Вільні, калі беларусцы зрабілі эндаскапію. Адказ беларускае пасольства ў Літве атрымала 22 мая, піша Tut.by.

— Літоўскі бок пацвердзіў факт дэталёвага надгляду, у якім бралі ўдзел і медыцынскія спецыялісты. Кампетэнтныя органы Літоўскай Рэспублікі абавязаныя праводзіць праверку прыезджых і рэчаў, якія імі перавозяцца, — каментуе TUT.BY прэс-сакратар пасольства Беларусі ў Літве Павел Слюнькін. — Спадарыня Богдан (у пашпарце ў Нікі Кошар іншае прозвішча) намі была пра гэта паінфармаваная. Пасольства выказвае гатоўнасць да аказання далейшага консульскага садзейнічання нашай грамадзянцы па гэтым здарэнні, у выпадку ініцыявання ёю адпаведнага разбору ва ўстаноўленым заканадаўствам Літоўскай Рэспублікі парадку.

Літоўскі бок не знайшоў ніякіх парушэнняў пры надглядзе беларускі Нікі Кошар.

Нагадаем, гісторыя адбылася 15 сакавіка ў аэрапорце Вільні. Дзяўчына ляцела з Перу з перасядкай у Амстэрдаме, а калі самалёт прызямліўся ў Вільні, яе ўжо чакалі мытнікі. Аказалася, беларуску падазравалі ў кантрабандзе наркотыкаў. Як апісала сама Ніка, яе прымусілі падпісаць дакументы на літоўскай мове, адмовіліся прадастаўляць адваката і спярша адправілі на рэнтген, затым — на эндаскапію. Наркотыкі не знайшлі, на развітанне Кошар сказалі: «Выбачайце за дастаўленыя нязручнасці, прыязджайце да нас яшчэ».

У беларускі ёсць права звярнуцца ў суд у Літве, але яна «вырашыла пакінуць гэтую гісторыю ў мінулым».

7
LMI / Адказаць
23.05.2018 / 16:06
Ніяк яны не выбачацца - не чакайце. Там даволі хамаватых службоўцаў, ды й палітыка другога ворага пасьля Расеі там вельмі папулярна і культывуецца на ўсіх узроўнях
15
Справедливый / Адказаць
23.05.2018 / 16:08
И эти люди мешают нам АЭС строить:)
10
ўантуфры / Адказаць
23.05.2018 / 16:09
А я ад ліетувісаў іншага і не чакаў - цалкам у іх манеры. Падобна, што беларусы іх вельмі дратуюць, пэўна як дратавалі беларусы віленшчыны і друскенікаўшчыны.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру