24.05.2018 / 13:13

Помнік славутаму ваяру Давыду Гарадзенскаму паставілі ў Гродне ФОТЫ вам падабаецца? 40

Як перадае сайт newgrodno.by, скульптуру знакамітага гродзенскага палкаводца і дзяржаўнага дзеяча Вялікага Княства Літоўскага ўсталявалі ў самым цэнтры горада на скрыжаванні вуліц Замкавай і Давыда Гарадзенскага напярэдадні XII Рэспубліканскага фестывалю нацыянальных культур.

Чатырохметровы помнік з шэрага граніту, спецыяльна замоўленага з Мансураўскага радовішча ў Расіі, складаецца з дзвюх частак: пастамента і самой скульптуры.

Аўтар працы — мінчанін Сяргей Аганаў. У скульптурнай кампазіцыі непераможны ваяр і палкаводзец Вялікага Княства Літоўскага як адзінае цэлае з канём, як глыба, сімвал крэпасці, бо пры ім крыжакі так і і не змаглі захапіць Гродзенскі замак. Характэрны суровы твар непераможнага воіна. У левай руцэ, пакладзенай на сэрца, трымае крыж. Пакорлівы гаспадару конь схіліў галаву. Ля падножжа — старажытны замак часоў Вялікага Княства Літоўскага. З адваротнага боку — Каложская царква, ля сцен якой Давыд Гарадзенскі быў пахаваны.

Урачыстае адкрыццё помніка пройдзе 1 чэрвеня.

9
маруська / Адказаць
24.05.2018 / 13:21
Годны помнік. Бо ўжо пачынаюць надакучваць помнікі ў выглядзе паркавай скульптуры. А гэты арыгінальны.
7
Психиатр / Адказаць
24.05.2018 / 13:23
Из направления искусства под названием "соцреализм". По работе напоминает памятник Гедимину в Вильне на Кафедральной площади.
2
Вася / Адказаць
24.05.2018 / 13:24
З адваротнага боку — Каложская царква, ля сцен якой Давыд Гарадзенскі быў пахаваны ... BЫКАПАНЫ ЭКСКАВАТАРАМІ МЯСЦОВЫМІ МАНКУРТАМІ Ў 2018-м 
https://nn.by/?c=ar&i=210100
Паказаць усе каментары/ 40 /
Каб пакінуць каментар, калі ласка, актывуйце JavaScript у наладах свайго браўзеру