24.05.2018 / 21:55

Парашэнка ў кабіне цягніка адкрыў новы тунэль праз Карпаты 9

Прэзідэнт Украіны Пятро Парашэнка праехаў у кабіне цягніка падчас урачыстага адкрыцця чыгуначнага Бяскідскага тунэлю ў Львоўскай вобласці. Пра гэта кіраўнік дзяржавы напісаў на сваёй старонцы ў Facebook.

«Бяскідскі тунэль адкрыты! Гэта праект, дзякуючы якому Украіна стала яшчэ бліжэй да Еўрапейскага саюза, а ЕС — да Украіны», — напісаў ён.

Тунэль даўжынёй 1764 метры, пракладзены праз Бяскідскі перавал ва ўкраінскіх Карпатах, стаў часткай Пятага пан'еўрапейскага транспартнага калідора, які злучае Львоў і італьянскі порт Трыест на беразе Адрыятычнага мора.

Ён быў пабудаваны на змену старому тунэлю, які дзейнічаў з 1886 года. Калі стары тунэль мог прапускаць толькі 47 пар цягнікоў у суткі, то новы — больш за 100. Чакаецца, што гэта палепшыць доступ украінскіх тавараў на рынкі Італіі, Славеніі, Венгрыі і Славакіі.

2
Унук Дзеда-кацапаеда / Адказаць
24.05.2018 / 22:01
Шчаслiвага шляху табе , Украiна !!! Так трымаць !!!
8
а ф ь л А / Адказаць
24.05.2018 / 22:31
не пристёгнут ремнем безопасности, а ведь он так рвётся в Европу. 
4
TheChaseBY / Адказаць
24.05.2018 / 22:34
"які злучае Львоў і італьянскі порт Трыест" - такі тамака ужо еўра-чыгунка?

Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру