Пясчаны віхор назіралі ў чацвер відавочцы ў Гомельскай вобласці. Фота і відэа атмасфернай з'явы з'явілася ў запісе супольнасці krasota_belarus ў Instagram.
Яго знялі ў Гомельскай вобласці паміж вёскамі Уборак і Малінаўка.
Пясчаны віхор узнікае ля паверхні зямлі ў малавоблачнае гарачае надвор'е пры моцным прагрэве глебы. Халоднае паветра рэзка ўдараецца аб зямлю, награваецца і падымаецца ўверх, утвараючы пясчаны віхор.
Для Беларусі гэтая прыродная з'ява — рэдкасць. У мінулым годзе іх фіксавалі пад Мінскам і ў Акцябрскім раёне Гомельскай вобласці.