25.10.2008 / 14:59

Дзякуй за згоду сустрэцца 12

і прызнаўся, што за два апошнія гады перавёў палову золатавалютнага запасу ў расейскія рублі. Са словаў Лукашэнкі, ён прыехаў параіцца, што рабіць у сытуацыі фінансавага крызісу.

і прызнаўся, што за два апошнія гады перавёў палову золатавалютнага запасу ў расейскія рублі. Са словаў Лукашэнкі, ён прыехаў параіцца, што рабіць у сытуацыі фінансавага крызісу.

Сёньня ў замку Маендорф пад Масквой прайшла сустрэча прэзыдэнтаў Беларусі і Расеі, якая доўжылася больш за тры гадзіны. Напачатку ніякіх падрабязнасьцяў не паведамлялася, і адкрытымі для грамадзкасьці былі толькі тыя кароткія рэплікі для тэлекамэр, якімі абмяняліся кіраўнікі дзяржаваў перад перамовамі.

Стэнаграма гэтых выказваньняў апублікаваная на сайце прэзыдэнта Расеі. Дзьмітры Мядзьведзеў, вітаючы госьця, адзначыў, што сёньня варта абмеркаваць сытуацыю, што склалася на фінансавых рынках. Паводле Мядзведзева, напярэдадні міжнароднага саміту дваццаткі, “хацелася б, каб мы з найбліжэйшымі партнэрамі, такімі дзяржавамі, як Беларусь, абавязкова абмеркавалі сумесную пазыцыю з гэтай нагоды”

“Беларусі важнае бачаньне расейскім бокам наступстваў сусьветнага фінансавага крызісу”, — заявіў Лукашэнка, бо “мы прывязаныя да Расеі з пункту гледжаньня эканомікі, фінансавай сыстэмы”. Паводле беларускага прэзыдэнта, “амаль палова золатавалютных запасаў у нас у расейскіх рублях”. Лукашэнка лічыць, што ў двухбаковых адносінах трэба даць людзям “нейкія пазытыўныя сыгналы”. “Мяркую, нам будзе што сказаць пасьля гэтай сустрэчы”, — заявіў беларускі кіраўнік.

Свае ўступнае слова Лукашэнка раптам скончыў выказваньнем удзячнасьці Мядзьведзеву за згоду сустрэцца зь ім: “Дзякуй за тое, што Вы адрэагавалі на маю просьбу сустрэцца. Дзякуй за тое, што знайшўлі час у свой выходны дзень, бо ў Вас графік напружаны”.

“У нас няма выходных, Аляксандр Рыгоравіч”, — адказаў на гэта Мядзьведзеў.

У выніку трохгадзіннай размовы прэсавы сакратар прэзыдэнта Расеі Натальля Цімакова выдала кароткае паведамленьне, у якім паінфармавала, што прэзыдэнты абмеркавалі “увесь комплекс двухбаковых адносін”. “Размова, у прыватнасьці, ішла аб падрыхтоўцы да прызначанага на канец лістапада — пачатак сьнежня паседжаньня найвышэйшай дзяржрады Расея-Беларусь. Абмяркўвалася таксама сытуацыя вакол цэнаў на энэрганосьбіты”, —дадала Цімакова.

Цікава, што раней афіцыйныя крыніцы паведамлялі, што сустрэча Мядзьведзева і Лукашэнкі ў рамках Дзяржаўнай рады “саюзнай дзяржавы” павінна прайсьці 3 лістапада.

0
Адлеглы / Адказаць
25.10.2008 / 15:18
«Мы свядома адышлі ад долара, калі нас пачалі прэсінгаваць» Ага, пакрыўдзіліся на ЗША - і на даляр ЗША... як гаворыцца, «назло бабушке отморожу уши»! :-)
0
Лесавік / Адказаць
25.10.2008 / 16:32
\\\\\\\"\\\\\\\"прыкладна палова золатавалютных рэзерваў краіны захоўваецца ў рублях.\\\\\\\"\\\\\\\" ІДЫЁТ!!!!!!!!!!!
0
dyk / Адказаць
25.10.2008 / 18:26
І пастанавілі: каб прыпыніць падзеньне кошту нафты - трэба бамбануць! ...толькі ня вырашылі з чаго і па кім...
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру