26.10.2008 / 15:58

Франак Вячорка стаў новым кіраўніком «Моладзі БНФ» 26

Цягам суботы‑нядзелі ў Менску прайшоў трэці зьезд «Моладзі БНФ». Арганізацыя памяняла лідэра. Замест Алеся Каліты, які цяпер служыць у войску, арганізацыю ўзначаліў Франак Вячорка.

Цягам суботы‑нядзелі ў Менску прайшоў трэці зьезд «Моладзі БНФ». Арганізацыя памяняла лідэра. Замест Алеся Каліты, які цяпер служыць у войску, арганізацыю ўзначаліў Франак Вячорка.

Галоўным пытаньне гэтага зьезду было абраньне новага кіраўніцтва. Летам дзейсны старшыня арганізацыі Алесь Каліта быў накіраваны на тэрміновую службу ў войска. Пра прэтэнзіі на лідэрства заявілі два чалавекі — кіраўнік культурнай камісіі Партыі БНФ Франак Вячорка, а таксама старшыня менскай гарадзкой арганізацыі «Моладзь БНФ» Сяржук Семянюк.

Варта адзначыць, што Семянюк мог паспрабаваць свае сілы і год назад, але ўзяў самаадвод. Дарэчы, Каліта гэтым разам падтрымаў кандыдатуру менавіта Семенюка.

Некаторыя дэлегаты зьезду пацікавіліся ў Франака Вячоркі, чаму ён упершыню балятуецца на гэтую пасаду. «Раней вучыўся. Пасьля таго, як мяне адлічылі стала больш вольнага часу, які магу прысьвяціць арганізацыі», — адказаў хлопец. Пра магчымасьць пайсьці «ў боты» Франак адказаў: «Служыць не зьбіраюся. Пакуль дапамагаюць Бог і СМІ».

Жарсьці на зьезьдзе моладзі кіпелі зусім ня меншыя, чым на аналягічных мерапрыемствах старэйшых таварышаў. У кандыдатаў былі свае праграмы, праходзілі гучныя абмеркаваньні. У кожнага знаходзілі свае плюсы і мінусы. Вячорку абвінавачвалі ў празьмерным папулізьме і пазёрстве, Семенюка ў тым, што апошнім часам адышоў ад справаў арганізацыі, больш засяродзіўшыся на сваіх уласных. Апошні растлумачыў гэта ўласным вясельлем.

У выніку галасаваньня за кандыдатуру Вячоркі‑малодшага свае галасы аддалі 28 дэлегатаў зьезду, за Семенюка — толькі 7, адзін бюлетэнь быў прызнаны несапраўдным.

Франак паабяцаў апраўдаць давер усіх, хто прагаласаваў за яго. Прыцягнуць у «Моладзь БНФ» новых людзей, даць імпульс ужо існуючым арганізацыям, а таксама стварыць новыя. «Моладзь БНФ» павінна стаць плятформай для стварэньня будучай моладзевай палітыцы ў краіне, лічыць новы старшыня.

Франак ня стаў хаваць, што бачыць найбольш рэальным прэтэндэнтам на ролю кандыдата ад Партыі БНФ на прэзыдэнцкіх выбарах Лявона Баршчэўскага, а таксама ўсяляк будзе яго падтрымліваць. Дарэчы, тое самае меркаваньне мае і Сяржук Семянюк.

Намесьнікамі старшыні былі абраныя Антон Каліноўскі (прапанаваны Франакам), а таксама Сяржук Карповіч (альтэрнатыўная кандыдатура). Па фігурах намесьнікаў таксама праходзілі гучныя дэбаты. У склад Рады арганізацыі ўвайшло 9 чалавек. Як нехта жартаваў у залі, а ці будзе ім кім кіраваць?

Франак абяцае працягваць адукацыйную і культурную дзейнасьць, якая будзе прадугледжваць выпуск мультымэдый, працу з моладзьдзю па спыненьні прымусовага разьмеркаваньня, працу па пераходзе беларускай арміі на прафэсійную аснову, а таксама па прапагандзе нацыянальных каштоўнасьцяў.

На бліжэйшых мясцовых выбарах «Моладзь БНФ» маецца вылучыць каля 50 кандыдатаў.

Зьміцер Панкавец, здымак Юр'я Дзядзінкіна

0
дзівак / Адказаць
26.10.2008 / 17:10
працу па пераходзе беларускай арміі на прафесійную аснову... Франак - гэта заўтра, а як сёньня будзем бараніць людзей ад войска. Няўжо твой прыклад ня ў навуку?
0
АДС / Адказаць
26.10.2008 / 17:13
Дык што, стаўленнік Баршчэўскага не быў абраны? Групоўкі Вінцука і Лявона працягваюць змаганне.
0
sid / Адказаць
26.10.2008 / 18:10
Вось і правільна, сп. Вінцук нічым ня горшы за сп. Аляксандра. Цікава, а вучэнні бээнэфаўскіх баевікоў-адмарозкаў у Грузіі сп. Вінцук і сп. Франак наведаюць разам і ці будуць яны ў аднолькавай форме :))
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру