28.05.2018 / 16:38

Каталіцкія і праваслаўныя семінарысты атрымалі адтэрміноўку ад службы ў войску 16

У гэты вясновы прызыў каталіцкіх і праваслаўных святароў і семінарыстаў у войска не забяруць. Паводле інфармацыі прэс-службы Канферэнцыі Каталіцкіх Біскупаў у Беларусі, афіцыйнага дакумента аб адтэрміноўцы пакуль няма: «У ваенкаматах пра гэта папярэдзілі на словах», піша Tut.by.

— Я звязаўся з айцом Андрэем з Гродна, — распавядае ксёндз Юрый Санько, прэс-сакратар Канферэнцыі Каталіцкіх Біскупаў у Беларусі. — Раніцай ён падышоў у ваенкамат, але інфармацыі аб адтэрміноўцы яшчэ не было. Яго папрасілі прыйсці праз гадзіну, а пасля гэтага паведамілі, што ён можа быць вольны.

Айцу Андрэю 26, і ў войска яго ўжо не прызавуць. Семінарысты ж атрымалі адтэрміноўку да лютага.

— Нашы студэнты духоўных школ розных рангаў сёння таксама атрымалі адтэрміноўкі ад войска, — паведаміў протаіерэй Сергій Лепін, старшыня сінадальнага інфармацыйнага аддзела Беларускай Праваслаўнай Царквы (Беларускага Экзархата Маскоўскага Патрыярхата).

На пытанне, чаму святары і семінарысты ў гэтым годзе атрымалі позвы, у Юрыя Санько адказу няма.

8
а ф ь л А / Адказаць
28.05.2018 / 16:44
вопрос к театралам и любителям синей формы убийц 37 года: а "настоящие" ходят в длинных юбках? 
13
? / Адказаць
28.05.2018 / 17:39
зачем такие поблажки религиозному пропагандистскому корпусу? да на них пахать надо
9
Анцiк / Адказаць
28.05.2018 / 17:59
свянцаць аутаматы ок, а таптаць боты не ок. хмм)
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру