Сёння зменіцца вярхушка БРСМ: Белякова і кампанію за правалы ў рабоце адпраўляюць у нікуды
Сёння ў Мінску пройдзе з'езд Беларускага рэспубліканскага саюза моладзі. Што на ім адбудзецца?
Як вядома «Нашай Ніве», у адстаўку будуць адпраўлены шэраг кіраўнікоў БРСМ на чале з цяперашнім першым сакратаром Андрэем Беляковым.
Людзі з каманды Белякова паведамілі нам, што іх адпраўляюць, фактычна, «у нікуды» — новых пасад, як гэта традыцыйна робіцца пры ратацыі чыноўнікаў, не прапанавана.
З чым звязаная адстаўка?
Вядома, што з прыходам Наталлі Качанавай на пасаду кіраўніка Адміністрацыі прэзідэнта ў 2016 годзе БРСМ зазнаў маштабныя праверкі па лініі Дзяржкантролю і пракуратуры.
Былі выяўлены дробныя парушэнні, але вялікай карупцыі не знайшлі. Але справа, маўляў, не ў гэтым.
У Адміністрацыі Белякова ўспрымаюць як чалавека, што не здолеў добрым чынам арганізаваць работу з моладдзю і не меў уцямнага бачання, як гэта можна зрабіць.
Андрэй Белякоў узначальваў БРСМ з 2015 года, цяпер яму 42 гады. Адначасова ён з'яўляецца членам Савета Рэспублікі.
Прозвішча новага кіраўніка арганізацыі пакуль невядома, можна меркаваць, што ім стане хтосьці з маладых.
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі2
Каментары