Юрый Зісер за дзень ахвяраваў 7500 рублёў — на мемарыял у Курапатах, прэмію Быкава, помнік Адамовічу
Уласнік партала tut.by Юрый Зісер адзначыўся вялікімі пераводамі грошай на краўдфандынгавыя праекты.
У прыватнасці, Зісер перавёў 3000 рублёў на ўсталяванне бюста пісьменніка Алеся Адамовіча ў вёсцы Глуша Бабруйскага раёна. 2000 рублёў былі пераведзеныя на прэмію Васіля Быкава «За свабоду думкі», якую ладзіць Рух «За Свабоду».
1500 рублёў сышло на альбом палескіх народных песень, які запісаў гурт Vuraj. І яшчэ 1000 рублёў Зісер ахвяраваў на рэканструкцыю народнага мемарыялу ў Курапатах.
Мы спыталі ў бізнэсоўца, чым ён кіраваўся, робячы гэтыя пераводы? «Дабраліся рукі, знайшоў час дапамагчы гэтым праектам. Я кіраваўся імем Быкава. Гэтая прэмія патрэбная, і яе арганізавалі вельмі добрыя людзі», — адзначыў Зісер. Пры гэтым уласніка tut.by не запрашалі ў аргкамітэт прэміі.
«Помнік трэба прывесці ў парадак», — кажа Зісер пра Курапаты.
«За гуртом Vuraj я сачу даўно. Яны ездзяць па Палессі, запісваюць ў старых людзей песні, апрацоўваюць іх і выконваюць так, што гэта мае не казённы выгляд, а жывы. Яны запальваюць! Гэта важна для захавання нацыянальнай спадчыны», — працягвае ён расказваць сваю матывацыю.
«Для мяне гэта не дабрачынная рэч, а сацыяльная. Гэта такое сацыяльнае прадпрымальніцтва. Як кажуць, што трэба раздаваць вуды, а не рыбу. Я звычайна не даю грошы на дзіцячыя дамы, хоспісы — гэтым займаюцца іншыя людзі. Мой профіль — дапамагаць тым, хто дапамагае. Ці нейкім важным для краіны сацыяльным праектам, як прэмія Быкава ці бюст Адамовіча, які, безумоўна, мусяць быць», — сказаў бізнэсовец.
Сваімі крокамі Юрый Зісер дае добры прыклад для іншых прадпрымальнікаў у краіне.
-
Стала вядома, куды ўладкаваўся кіраўнік Калінкавіч, які ў 2022 годзе сустракаў расійскіх вайскоўцаў з хлебам-соллю
-
Былая беларуская журналістка Судлянкова, якую ў Чэхіі абвінавацілі ў працы на расійскую разведку, з'ехала ў Маскву
-
Шматдзетная сям'я распавяла, што траціць на ежу 700-800 рублёў штомесяц. Людзі ў шоку, што ім хапае
Цяпер чытаюць
Бедны, расчараваны — асабліва ў родных — і нікому непатрэбны. Злы дзённік Барадуліна дазваляе зазірнуць унутр генія19
Каментары