31.05.2018 / 14:18

Зінедзін Зідан, які выйграў тры Лігі чэмпіёнаў запар, нечакана сышоў з «Рэала» 4

Галоўны трэнер «Рэала» Зінедзін Зідан пакідае сваю пасаду. Пра гэта сёння абвешчана на спецыяльнай прэс-канферэнцыі.

«Я прыняў рашэнне не працягваць працу з «Рэалам». Гэта нечаканы момант, але камандзе, каб яна працягвала перамагаць, патрэбныя перамены, новы падыход і працоўныя методыкі. Таму я прыняў такое рашэнне. Я з велізарнай любоўю стаўлюся да гэтага клуба і яго прэзідэнта», - заявіў трэнер.

45-гадовы спецыяліст прыняў мадрыдскую каманду падчас сезона-2015/16 i прывёў яе да трох запар перамог у Лізе чэмпіёнаў.

Таксама «Рэал» пад яго кіраўніцтвам выйграў чэмпіянат Іспаніі, Суперкубак краіны, два Суперкубкі УЕФА і двойчы перамог у клубным чэмпіянаце свету сярод клубаў.

Зінедзін Зідан - таксама з найвялікшых гульцоў у гісторыі футбола. У складзе зборнай Францыі ён выйграў чэмпіянат свету 1998 года і чэмпіянат Еўропы 2000 года. Зідан тройчы прызнаваўся найлепшым футбалістам свету (1998, 2000 і 2003 гады). У складзе італьянскага «Ювентуса» і іспанскага «Рэала» ён заваяваў 12 трафеяў.

1
Бур'ян Лугавы / Адказаць
31.05.2018 / 14:20
Усе хочуць у Брэсцкае Дынама. Чакаем Гэрата Бэйла. 
5
Žvir / Адказаць
31.05.2018 / 14:21
Jasna. Nie moža boļš znachodzicca ū adnoj kamandzie z Rauliem...
2
Алег / Адказаць
31.05.2018 / 14:21
Чакаем у Дзінама Брэст
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру