31.05.2018 / 14:56

За год мову не абароніш: Парашэнка падпісаў указ пра дзесяцігоддзе ўкраінскай мовы 27

Прэзідэнт Украіны Пятро Парашэнка падчас рабочай паездкі ў Івана-Франкоўскую вобласць падпісаў указ пра абвяшчэнне з 2018 года дзесяцігоддзя ўкраінскай мовы. Аб гэтым паведамляецца на сайце прэзідэнта Украіны.

Паводле яго слоў, да яго звярнуліся навукоўцы і папрасілі аб'явіць 2018 год — Годам украінскай мовы. Аднак прэзідэнт адмовіўся гэта зрабіць, «бо за адзін год мову не абароніш».

«Але я прыняў рашэнне і падпісваю ўказ пра тое, што з 2018 года мы аб'яўляем дзесяцігоддзе ўкраінскай мовы і зробім усё магчымае для таго, каб мову абараніць. Бо галоўнае, што трымае нацыю, што забяспечвае яе развіццё — украінская мова», — сказаў Парашэнка.

Указ зацвярджае дзесяцігадовую мэтавую праграму, якая павінна забяспечыць «усебаковае развіццё і функцыянаванне ўкраінскай мовы як дзяржаўнай ва ўсіх сферах грамадскага жыцця».

0
Яўген / Адказаць
31.05.2018 / 15:07
Эх нам бы такі указ хоць на год.
2
Niemand / Адказаць
31.05.2018 / 15:15
Вось гэта я разумею падыход. На 10 балаў. 
П.С. Ну, а зараз паўсюль уступае хор заляшанчыкаў: "раскалываіт-страну-у-у...", "другіх-праблем-не-е-ету...", "мовай-нарот-ні-накормішь..." і што там яшчэ ў іх ў рэпертуары...
1
Бацька / Адказаць
31.05.2018 / 15:15
Трэба і нам у Беларусі дзесяцігоддзе дзяржаўнай беларускай мовы аб'явіць!
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру