27.10.2008 / 17:30

Першыя словы Андрэйчанкі 1

«Калі пытаньне аб прызнаньні незалежнасьці Абхазіі і Паўднёвай Асеціі будзе ўнесена, то парлямэнт яго разгледзіць». «Меркаваньне народу трэба ўлічваць, — сказаў ён. — Але гэтае пытаньне пакуль яшчэ ніхто ня ўносіў».

Часта людзі мяркуюць пра чалавека па першых словах, якія ад яго пачулі. Што ж выбарцы пачулі ад Уладзіміра Андрэйчанкі і Валерыя Іванова ў першы дзень пасьля абрання кіраўнікамі дэпутацкага корпусу?

«Калі пытанне аб прызнанні незалежнасці Абхазіі і Паўднёвай Асеціі будзе ўнесена, то парламент яго разгледзіць». Аб гэтым журналістам заявіў Уладзімір Андрэйчанка.

«Меркаванне народа трэба ўлічваць, — сказаў ён. — Але гэтае пытанне пакуль яшчэ ніхто не ўносіў».

Хто павінен ўносіць у парламент пытанне аб прызнанні Абхазіі і Паўднёвай Асеціі, а таксама які «народ» маецца на ўвазе, У.Андрэйчанка не ўдакладніў.

«Не сакрэт, што некаторыя палітыкі ўнутры краіны і за мяжой хочуць, каб парламент стаў ачагом нестабільнасці. Не сумняваюся, што для распальвання такіх настрояў няма ніякіх падстаў», — заявіў ён.

А Іваноў?

Выступаючы перад калегамі, Валерый Іваноў сказаў, што дэпутаты парламента папярэдняга склікання «былі вымушаны працаваць ва ўмовах жорсткай крытыкі як Захаду, гэтак і ўнутраных апанентаў». Аднак, паводле яго слоў, гэта крытыка «не збіла працу з абранага курсу».

В.Іваноў лічыць, што беларускі парламент чакае «складаны дыялог з ЕС і ўсёй заходняй супольнасцю».

Ён параўнаў дэпутацкі корпус з Рэспублікай Беларусь у мініяцюры, «што адлюстроўвае інтэлектуальны партрэт краіны ў палітычным ракурсе».

В.Іваноў падкрэсліў, што дэпутатам трэба будзе «асвоіць методыку, механіку і вышэйшую механіку заканадаўчай дзейнасці».

Цытаты паводле БелаПАН

0
klv / Адказаць
27.10.2008 / 19:20
Хацелася б пабачыць гэную мініяцюру ў выкананні знанага майстра пэндзаля і слова Лёліка Ўшкіна.
Каб пакінуць каментар, калі ласка, актывуйце JavaScript у наладах свайго браўзеру