02.06.2018 / 09:58

Вароны нападаюць на людзей у Салігорску ВІДЭА 21

Вароны нападаюць на людзей у Салігорску. Відэа з нападамі агрэсіўных птушак у раёне дома №65 на вуліцы Заслонава апублікавала відавочца ў сацсетцы.

«Гэта адбывалася на вуліцы Заслонава. Я ў той момант знаходзілася на балконе і ўбачыла, як вароны накідваюцца на мінакоў, — распавяла карэспандэнту МЛЫН.BY аўтар відэа Вольга Капцавіцкая. — Яны проста ішлі па сваіх справах і птушак зусім не правакавалі. Вы ведаеце, з кватэры, вядома, не так страшна на ўсё гэта глядзець, а вось людзі на вуліцы здаваліся героямі фільма жахаў.

З чым звязана агрэсіўныя паводзіны птушак і што рабіць, калі нападаюць вароны, распавяла загадчык аддзялення дадатковай адукацыі Эколага-біялагічнага цэнтра дзяцей і моладзі Салігорскага раёна Вольга Санюк:

«Зараз выпадкі пачасціліся, таму што вароны абараняюць свае гнёзды і птушанят. Таму так рэагуюць на ўсё, што рухаецца пад дрэвамі: няхай гэта будзе людзі ці хатнія жывёлы. Неяк сябе засцерагчы не атрымаецца, бо не ведаеш, у які момант яны нападуць. Трэба было знішчаць гнёзды ў межах горада да таго, як вывеліся птушаняты. Зараз застаецца толькі перачакаць перыяд іх сталення — а гэта 2-3 тыдні».

4
З...лы беларус / Адказаць
02.06.2018 / 10:19
Гэтая кемлівая і нахальня птушка дастае гараджан па ўсім цывілізаваным сьвеце - дзе па ей не страляюць ды гнездаў не бураць ... і дзе катоў галодных няма ... нават мне дасталося па лысіне крылам - добра не дзюбай ды кіпцюрамі ... прабачыў - вароны як людзі дзетак падстрахоўваюць, нават ад міфічнай небясьпекі...
6
пан / Адказаць
02.06.2018 / 10:38
Наконт ужывання 'распавесці, расповед, распавядаць' замест спрадвечна беларускіх 'расказаць, расказ, апавядаць'. 
Навошта, калі ў народзе ніхто не кажа «распавядаць» і ў літаратурнай мове таксама прынята выкарыстоўваць іншыя словы, ламаць гэтую сістэму? 
У выпадку з дзеясловам «распавесці» (дзеяслоў прывёз з сабою з Кіева Уладзімір Караткевіч) супраць ужывання гэтага дзеяслова гаворыць не толькі тое, што ён запазычаны БЕЗ УЛІКУ АСАБЛІВАСЦЯЎ БЕЛАРУСКАЙ МОВЫ, а яшчэ і тое, што супраць яго выказаліся прадстаўнікі навуковай і літаратурнай супольнасці. А такія людзі, як Янка Брыль, аўтарытэтныя для нас у моўным плане яшчэ і таму, што яны былі прыроджанымі носьбітамі мовы. Яны размаўлялі на ёй з мамай і татам, з сябрамі з самага дзяцінства і г. д. Таму сённяшняму пакаленню беларускамоўных, сярод якіх многа людзей, што пачалі размаўляць на беларускай ужо ў свядомым узросце і пры гэтым маюць не такое якаснае моўнае асяроддзе, варта ўлічваць іх меркаванне ў першую чаргу. Калі ў мове словы, якія ўжываліся доўгі перыяд, раптам пачынаюць у вялікіх колькасцях замяняцца запазычаннямі, наватворамі і г. д., гэта можа гаварыць не аб яе развіцці, а аб дэградацыі.
4
пан / Адказаць
02.06.2018 / 10:43
'Абы не па-руску' - падыход людзей, якія глядзяць на мову з пукнту гледжання расейскае мовы, тым самым прызнаючы беларускую 'непаўнавартаснаю'. Бо які адэкватны чалавек будзе ацэньваць сваю мову з боку іншае? Мова - гэта сістэма, а не проста 'словы', спадарства, нельга цягнуць у яе ўсё што заманецца. І той факт, што слова існуе ў іншых славянскіх мовах яшчэ не довад таму, што яно мае быць і ў беларускай. Украінцы ж не цягнуць сабе нашу 'маланку' (дарэчы, 'маланка' - выключна беларускае слова і яго няма ні ў воднай славянскай мове). 
Дбайце пра культуру мовы і маўлення, іначай гамон. 
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру