03.06.2018 / 00:37

Расійскія СМІ абураныя: Эстонія анулявала акрэдытацыю беларускаму журналісту Герману, які прадстаўляе неіснуючую газету 56

Расійскія СМІ загаварылі пра «чарговы наступ на свабоду слова» ў балтыйскіх краінах. Прычынай іх актыўнасці стала адмова ў акрэдытацыі беларускаму журналісту Герману Напольскаму на канферэнцыі Ленарта Мэры ў Таліне.

Каментуючы выпадак, кіраўніца эстонскага аддзелення расійскай прапагандысцкай карпарацыі «Спутнік» Алена Чэрышава заявіла пра слабы ўзровень дэмакратыі і праблемы са свабодай слова ў Эстоніі.

Хто такі Напольскі і каго ён прадстаўляе? На мерапрыемствах гэты чалавек рэгіструецца як журналіст расійскай газеты «Еўразійская праўда». Праўда, выдання з такой назвай не існуе — яго немагчыма купіць у кіёсках, на яго немагчыма падпісацца па пошце.

Удакладненне: газета «Еўрапейская праўда» усё ж мае рэгістрацыю «друкаванае СМІ газета», аднак у рэальнасці не выходзіць.

Герман Напольскі ў студыі «Спутніка».

Адзіная актыўнасць «Еўразійскай праўды» — гэта якраз-такі ўдзел Германа Напольскага ў мерапрыемствах любога кшталту. Ён шмат гадоў прымае ўдзел ва ўсіх прэс-канферэнцыях усіх ведамстваў Беларусі, некалькі разоў нават трапляў на сустрэчы з Аляксандрам Лукашэнкам.

У журналісцкім асяроддзі за Напольскім замацаваўся імідж фрыка, які задае бессэнсоўныя пытанні (напрыклад, удакладняў, ці збіраецца беларуская лёгкая прамысловасць вырабляць бялізну для буйной рагатай жывёлы, ці з'явяцца ў мінскіх рэстаранах стравы з тыгра).

Праз выпадак у Эстоніі расійская прапаганда пачынае выкарыстоўваць Напольскага ў сваіх мэтах.

БЮ

2
Люстэрка / Адказаць
03.06.2018 / 01:13
Цікава, у Алены Чэрышавай такі ж інтэлектуальны твар, як у яе калегі па прасоўванні "рускага міру" Германа Напольскага?
0
Люстэрка / Адказаць
03.06.2018 / 01:20
Елена Черышева в обнимку с одиозным кремлевским пропагандистом Дмитрием Киселевым. http://m.rus.delfi.ee/estonia/article.php?id=74210933
2
ЯНКА / Адказаць
03.06.2018 / 01:36
🍰 Беларусы могуць прымаць гасьцей і пі... (і пірагі). А браць (тутака я шкадую, што не картавы), б..ць. Браць! Браць удзел!!! Бо нам, як прыспасаб-ленінцам паштамП, тэлефон і тэлеграМ, яго за так ніхто ня дасьць. Затое, наце — дзякуй, суне бачаньне ганьбы, што сам пісец Свабоды свабодны ад культуры мовы. 😥
Паказаць усе каментары/ 56 /
Каб пакінуць каментар, калі ласка, актывуйце JavaScript у наладах свайго браўзеру