Для Uber у Турцыі «бізнэс скончаны». Пра гэта заявіў прэзідэнт краіны Рэджэп Тайіп Эрдаган, паведамляе Daily Sabah.
«У нас ёсць уласная сістэма таксі… Мы самі будзем вырашаць лёс Uber», — сказаў Эрдаган.
Ён дадаў, што ўлады не дазволяць сэрвісу «разбурыць» бізнэс турэцкіх таксістаў.
Падкрэсліваецца, што турэцкія таксісты выступалі супраць Uber, абвінавачваючы яго ў несумленнай канкурэнцыі і незаконных спосабах вядзення бізнэсу.
Адзначым, Uber ужо забаронены ў такіх краінах, як Грэцыя, Славакія, Балгарыя, Данія і Венгрыя. У той жа час дзейнасць сэрвісу абмежаваная ў Францыі, Італіі, Германіі, Японіі і Тайвані.
