Паводле дадзеных Дзяржаўнай службы статыстыкі Украіны, сярэдні намінальны заробак штатнага работніка ў гэтай краіне ў красавіку 2018 года ў параўнанні з красавіком 2017-га вырас на 27,3% і склаў 8480 грыўняў ($324 у эквіваленце). У доларавым эквіваленце заробак вырас яшчэ больш — на 30%. Гэта адбылося з-за ўмацавання ўкраінскай валюты за апошні год.
Варта адзначыць, што афіцыйная статыстыка заробкаў ва Украіне не заўсёды правільна адлюстроўвае рэальную зарплату ў краіне. Шмат людзей ва Украіне афіцыйна атрымлівае мінімальны заробак, але за кошт выплат у канвертах іх рэальныя заробкі нашмат вышэйшыя за афіцыйныя. Гэта адбываецца таму што працадаўцы імкнуцца пазбегнуць вялікіх падатковых выплат.
Прырост рэальнай сярэдняй зарплаты склаў каля 12,5% (з улікам інфляцыі). Традыцыйна самыя высокія заробкі — у Кіеве.
Рэгіёны з самымі вялікімі сярэднімі заробкамі:
1) Кіеў — $503.
2) Данецкая вобласць — $382.
3) Кіеўская вобласць — $328.
Рэгіёны з самымі маленькімі сярэднімі заробкамі:
1) Чарнавіцкая вобласць — $245.
2) Цярнопальская вобласць — $249.
3) Херсонская вобласць — $253.
Самыя высокааплатныя сферы:
1) Інфармацыя і тэлекамунікацыі — $601.
2) Фінансавая і страхавая дзейнасць — $597.
3) Прафесійная, навуковая і тэхнічная дзейнасць — $436.
Самыя нізкааплатныя сферы:
1) Ахова здароўя і выдзяленне сацыяльнай дапамогі — $212.
2) Часовае размяшчэнне і арганізацыя харчавання — $216.
3) Адукацыя — $251.
