22-гадовы «ветэран БРСМ» патлумачыў, адкуль у яго на грудзях столькі медалёў
Ужо другі дзень у беларускіх сацсетках абмяркоўваецца фота з 43-га з'езда БРСМ, дзе побач з кіраўніком Адміністрацыі прэзідэнта Наталляй Качанавай стаіць малады хлопец з завешанымі медалямі грудзьмі.
Інтэрнаўты іранічна празвалі хлопца «ветэранам БРСМ» і выказваюць здагадкі, адкуль у яго столькі ўзнагарод.
«Наша Ніва» знайшла хлопца, гэта студэнт 5-га курса Полацкага ўніверсітэта Максім Моштыль, ён вучыцца на будаўніка.
Мы спыталіся ў хлопца, што гэта за нагрудныя знакі ў яго і за што.
«Кожную «цаліну», калі ездзім на будоўлю, мы атрымліваем значкі: «Найлепшы будаўнік», «Найлепшы спартовец», «Найлепшы камісар». Я быў і найлепшым камандзірам, і найлепшым камісарам!» — расказаў Максім.
«Ва ўніверсітэце мяне таксама ўзнагародзілі нагрудным знакам. Рэктар узнагароджваў — гэта медаль за ўнёсак у патрыятычнае выхаванне моладзі», — дадаў ён.
Колькі ўсяго ў яго нагрудных знакаў, хлопец не ведае, але кажа, што на тым фатаздымку на грудзях далёка не ўсе.
Максім — актывіст будаўнічага атрада «Эўрыка». Той сцяг, што ён трымае ў руках на фота, — гэта акурат сцяг найлепшага будаўнічага атрада.
А на гэтым фота можна ўбачыць, як выглядае частка значкоў хлопца буйным планам.
Васкрасенскі: Адкрываецца неба — і Алесь Бяляцкі адразу выходзіць31
Каментары