05.06.2018 / 20:14

У Башкартастане сям'я прымала Крымінальны кодэкс за Каран і падкладвала сыну пад галаву. Ён пайшоў працаваць у МУС 17

Сям'я ў Башкартастане падкладвала сыну пад галаву Крымінальны кодэкс РСФСР 1926 года на арабскай мове, які яна на працягу доўгіх гадоў прымала за святую кнігу мусульман Каран, паведамляе ТАСС са спасылкай на прэс-службу МУС па рэспубліцы.

У ведамстве распавялі, што сям'я вырашыла перадаць Крымінальны кодэкс у дар музею рэгіянальнага МУС. «Пажылая ўладальніца кнігі доўгія гады прымала яго за Каран і падкладвала пад галаву сыну. Варта адзначыць, што калі сын вырас, то пайшоў на службу ў міліцыю» — адзначылі ў прэс-службе ведамства.

Мясцовая жыхарка Рафия Зінатуліна распавяла, што скрутак з кнігай у яе сям'і перадаваўся з пакалення ў пакаленне.

«Маці казала, што гэта святая кніга, яе трэба заварочваць у тканіну і класці пад падушку, каб дзеці былі спакойныя і не капрызнічалі», - распавяла жанчына, адзначыўшы, што сям'я даведалася толькі праз некалькі гадоў пра тое, што «святой кнігай» быў на самай справе Крымінальны кодэкс.

1
yy / Адказаць
05.06.2018 / 20:29
Што я толькі што прачытала?
1
Грязный Гарри / Адказаць
05.06.2018 / 20:46
Уголовный кодекс РСФСР...1926 года издания...на арабском языке...Пойду-ка я коньячку выпью,чтоб умом не подвинуться...
0
Centurion / Адказаць
05.06.2018 / 21:14
Башкартастан сапраўды не перамагчы )))))))
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру