На элементах корпуса польскага самалёта Ту-154М, які разбіўся пад Смаленскам у 2010 годзе, а таксама на целе сама меней адной ахвяры катастрофы знойдзены сляды выбухоўкі.
Пра гэта гаворыцца ў заяве польскай падкамісіі Міністэрства абароны па расследаванні Смаленскай катастрофы.
Падкамісія абвясціла аб завяршэнні агляду і аналізу доказаў, якія ёсць у распараджэнні Камітэта з месца катастрофы самалёта экс-прэзідэнта Леха Качынскага.
Падкамісія таксама прыйшла да высновы, што няма ніякай інфармацыі або доказаў, якія б сведчылі аб наяўнасці выбуховых рэчываў у глебе на месцы падзення самалёта.
