Украінскі рэжысёр Леанід Кантэр зняў сваю смерць на відэакамеру. Гэта было самагубства. Пра гэта «Украінскай праўдзе» паведаміў прэс-сакратар Нацыянальнай паліцыі Яраслаў Тракала.
«Увесь працэс здымаў на відэа, якое канфіскавала паліцыя. Яно далучанае да матэрыялаў крымінальнай вытворчасці», — паведаміў Тракала.
Цела выявіла сяброўка Леаніда, якая і выклікала паліцыю.
Паліцыя таксама паведамляла, што Кантэр напісаў перадсмяротныя запіскі родным і знаёмым.
Леанід Кантэр — украінскі прадзюсар, рэжысёр і падарожнік. У жніўні 2014 ён сышоў добраахвотнікам у 2-і батальён Нацыянальнай гвардыі Украіны. Яго сябар рэжысёр Іван Ясны ўгаварыў узяць камеру і здымаць фільм, які пасля назвалі «Вайна за свой кошт».
Больш Леанід Кантэр вядомы па дакументальных фільмах «Добраахвотнікі Божай пары» (The Ukrainians) пра абаронцаў Данецкага аэрапорта і стужкай «Міф» пра загінулага на Данбасе опернага спевака Васіля Сліпака.
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары