08.06.2018 / 14:02

Былы кіраўнік Міншчыны Барыс Батура пра рэстаран ля Курапат: Увесь свет такі. Жыццё ж працягваецца 116

Імя былога старшыні Мінскага аблвыканкама Барыса Батуры ўсплыло ў сувязі з сітуацыяй з адкрыццём рэстарана ў Курапатах. Высветлілася, што яшчэ ў 2012 годзе Генеральная пракуратура сумесна з Міністэрствам культуры прапаноўвала яму спыніць будаўніцтва так званага «Бульбаш-хола», які цяпер мае назву «Паедзем паядзім».

Барыс Батура. Фота mlyn.by.

Тагачасны намеснік генеральнага пракурора Мікалай Кукліс дасылаў на імя Батуры прадстаўленне, дзе пісаў аб парушэннях пры будаўніцтве, а таксама заклікаў пакараць вінаватых і, магчыма, нават спыніць будаўніцтва. Аднак Батура гэтага не зрабіў. У 2018 годзе рэстаранны комплекс запрацаваў.

Мы датэлефанаваліся да былога чыноўніка, але надта шмат словаў з Барыса Батуры выцягнуць не атрымалася.

«Я не помню. Я не помню абсалютна. Можа быць іншыя людзі гэтым займаліся, а не я. Можа, і быў такі зварот ад генпракуратуры, але я гэтым не займаўся», — сказаў Батура.

«НН»: А вы сочыце за сітуацыяй у Курапатах сёння?

ББ: Ды не… Я ж цяпер пенсіянер.

«НН»: І не ведалі, што ваша імя цяпер сталі ўспамінаць у сувязі з гэтай гісторыяй?

ББ: Не чуў [кажа па-беларуску — «НН»].

«НН»: Пра сам рэстаран помніце хоць нешта?

ББ: Ды даўно гэта было. Шчыра кажучы, і ўспамінаць не хочацца.

«НН»: Як вы ставіцеся да Курапатаў? Што думаеце пра гэтае месца?

ББ: Я б зрабіў там мемарыял, каб нармальна было ўсё.

«НН»: А тое, што побач рэстаран, нічога кепскага не бачыце?

ББ: Я не бачу. А што бачыць? Увесь свет такі. Жыццё ж працягваецца. А вось комплекс у саміх Курапатах трэба нейкі зрабіць.

«НН»: Вы самі бывалі ў Курапатах?

ББ: Быў, канечне.

Гутарыў Зміцер Панкавец

4
Люстрация / Адказаць
08.06.2018 / 14:12
"Я не помню. Я не помню абсалютна".
Ну так геть с госдолжности, раз такие проблемы с памятью.
1
Бур'ян Лугавы / Адказаць
08.06.2018 / 14:14
Мне спачатку прынасілі, я потым не заўважаў і не ўчытваўся. 
4
о. дает / Адказаць
08.06.2018 / 14:20
В Беларуси должна быть Беларусь. а не все самое плохое. жуткое и ужасное со всего света. Не знают и не подчиняются морали белорусского народа - до свидания. если на тюрьму не заработали! Нечего уничтожать особенности коренного белорусского народа на белорусской земле в белорусском государстве. что и есть отличие белорусской нации от других. 
Паказаць усе каментары/ 116 /
Каб пакінуць каментар, калі ласка, актывуйце JavaScript у наладах свайго браўзеру