12.06.2018 / 10:27

У Фларыдзе загінулі ўсе ўзятыя ў закладнікі дзеці 10

Cherie Diez / Global Look Press

Усе чацвёра дзяцей, узятыя напярэдадні ў закладнікі ў амерыканскім горадзе Арланда, знойдзеныя мёртвымі. Пра гэта паведамляе мясцовае выданне Orlando Sentinel са спасылкай на заяву паліцыі.

Мёртвым быў таксама знойдзены і ўзброены мужчына, які ўтрымліваў іх з учорашняга дня. Як заявілі ў паліцыі, ён скончыў жыццё самагубствам. Паліцэйскі, паранены падчас інцыдэнту, знаходзіцца ў шпіталі, яго жыццю нішто не пагражае.

Па дадзеных праваахоўных органаў, злачынцам аказаўся 35-гадовы Гэры Уэйн Ліндсі. Ён знаходзіўся пад наглядам у сувязі з абвінавачваннямі ў падпале, збіцці і спробе схавацца ад пераследу паліцыі. Інцыдэнт, у сувязі з якім яму былі прад'яўленыя абвінавачванні, таксама адбыўся ў Арланда ў 2008 годзе. 

Захоп закладнікаў адбыўся ў ноч на 11 чэрвеня. У паліцыю аб бытавым канфлікце паведаміла сужыцелька злачынцы. Пасля прыезду супрацоўнікаў праваахоўных органаў злачынца адкрыў па іх агонь. У закладніках у яго знаходзіліся чацвёра дзяцей ва ўзросце 12, 10, 7 гадоў і аднаго года.

74
Сьвядомы / Адказаць
12.06.2018 / 10:32
США - оплот демократии и свободы.
2
Žvir / Адказаць
12.06.2018 / 11:32
Гары ў пекле, вырадак ! 
3
! / Адказаць
12.06.2018 / 11:34
Сьвядомы, не надо подменять понятия. Преступность не отменяет наличие демократических институтов, сменяемость и выборность власти, независимост судебной системы. 
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру