12.06.2018 / 11:02

Аплаціць праезд бескантактавай банкаўскай картай можна зараз на ўсіх станцыях метро 6

Валідатары з аплатай праезду бескантактавымі банкаўскімі картамі пачалі працаваць з 12 чэрвеня ў тэставым рэжыме на турнікетах усіх станцый метро, паведамілі «Мінск-навінам» у прэс-службе ГП «Мінскі метрапалітэн».

Разлічвацца за праезд такім спосабам зараз могуць уладальнікі карт Visa payWave і Mastercard Contactless. У найбліжэйшы час плануецца падключыць яшчэ карты Maestro з бескантактавым інтэрфэйсам плацежнай сістэмы «Белкарт».

Каб аплаціць праезд у падземцы, трэба прыкласці банкаўскую карту да валідатара на паверхні турнікета. З яе аўтаматычна спішацца 65 капеек (кошт жэтона). Працэс займае ўсяго 0,5 сек. Таксама з гэтай мэтай можна выкарыстоўваць лічбавыя мабільныя прылады з тэхналогіяй NFC (Near field communication), якія сумяшчальныя з існуючай інфраструктурай па прыёме бескантактавых карт.

- Ёсць яшчэ адна навіна для пасажыраў. Зараз усе карты могуць прымацца на адным валідатары, размешчаным зверху на турнікеце. Гэта адносіцца і да банкаўскіх бескантактавых, і да электронных праязных білетаў метрапалітэна, а таксама «Мінсктранса», - адзначылі на прадпрыемстве.

0
Мр. Фікс / Адказаць
12.06.2018 / 11:37
Ха! Сачыце каб вам з карты не здымаліся грошы аўтаматычна замест праязнога! Мой адзін сябра так папаўся, прычым спраўдзіць, ці не пабралася аплата падвойна - і з карты і з праязнога - няма ніякага способу, як апынулася.
0
пытанне / Адказаць
12.06.2018 / 11:58
Калі да валідатара паднесці партманэ з праязным білетам і бескантактымі карткамі, то з іх усіх здымецца за праезд?
0
user / Адказаць
12.06.2018 / 12:03
На наземном транспорте неплохо бы такое же....
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру