12.06.2018 / 14:18

«Паказаць, хто ў Беларусі гаспадар»: эксперты расказалі, з кім звязваюць узломы твітара Рыжанкова і ФБ Следчага камітэта 20

За два дні адбыліся дзве кібератакі: у панядзелак нехта атрымаў кантроль над твітар-акаўнтам намесніка кіраўніка Адміністрацыі прэзідэнта Максіма Рыжанкова, у аўторак быў узламаны акаўнт Следчага камітэта ў фэйсбуку. 

Змест апублікаваных ад імя ўладальнікаў паведамленняў даволі спецыфічны: то «Качанава выбачаецца перад Расіяй», то Следчы камітэт нешта робіць «згодна з пажаданнямі расійскага боку».

«Нашай Ніва» спытала ў экспертаў у сферы кібербяспекі, хто б мог стаяць за гэтымі атакамі. 

Адзін з прызнаных спецыялістаў-практыкаў сказаў «Нашай Ніве», што гэта выгадна ахвотным «паказаць, хто ў Беларусі гаспадар». 

«Нашыя адпаведныя структуры псіхалагічна не гатовы да таго, што мы можам быць уцягнутыя ў існыя інфармацыйныя войны. І нават да тых выпадкаў, калі прыёмы інфармацыйнай вайны, скіраванай не на нас, могуць быць выкарыстаны супраць нас асобнымі яе ўдзельнікамі ў сваіх асабістых мэтах. Хаця, я падкрэслю, кампетэнтныя спецыялісты ў гэтай сферы ў нас ёсць. Чаму ўзламалі Рыжанкова і СК? Я б не выключаў, што ўзламаныя акаўнты КДБ і ўмоўнага Калтовіча, і заўтра нешта з'явіцца і там. Таксама патлумачу, чаму вяртанне кантролю за акаўнтам — гэта доўгі працэс, калі завалодванне адбылося праз узлом электроннай скрыні, сервер якой знаходзіцца за межамі краіны, то спачатку трэба аднавіць кантроль над поштай, што таксама патрабуе часу», — сказаў чалавек, папрасіўшы не называць сваё імя.

Ён нагадаў пра даклад ФБР, згодна з якім расійскія хакеры заразілі роўтары ў 50 краінах свету. 

Вайсковы эксперт Аляксандр Алесін наўпрост кажа, што за гэтымі ўзломамі стаяць расіяне. 

«Вядома, што Расія даўно вядзе супраць Беларусі інфармацыйную вайну рукамі другасных журналістаў. Робіцца гэта проста: на нейкім маргінальным рэсурсе з'яўляецца нейкая інфармацыя, пасля чаго яе перадрукоўваюць асноўныя СМІ. І гэтыя ўзломы — падзеі з таго ж шэрагу. Гэта ненавязлівае папярэджанне, што Масква нечым незадаволеная», — кажа Алесін.

«Акаўнты Рыжанкова і Следчага камітэта абралі таму, найхутчэй, бо яны былі кепска абароненыя. Рыжанкоў жа з 2016 года не карыстаўся ім. Але я тут бачу і станоўчы бок — будзе ўзмоцнены падыход да кіберабароны, магчыма, падымуцца бюджэты пад гэтую справу». 

Аналітык Арсень Сівіцкі таксама бачыць у справе расійскі след. 

«Варта згадаць не толькі ўзломы акаўнтаў, але і актывізацыю крамлёўскіх ботаў у сацсетках, якія пачалі масавую крытыку Беларусі. Гэта такая дэманстрацыя магчымасцей Расіі па ўмяшальніцтве ва ўнутраныя справы Беларусі. Элементы інфармацыйнай вайны выкарыстоўваюцца, каб паказаць, што Беларусь цалкам дасягальная і ўразлівая для кібератак Крамля. А выбар акаўнтаў я б тлумачыў проста — гэта тыя акаўнты, якія змаглі ўзламаць», — сказаў Сівіцкі. 

АЯ

1
«Cумесна мы надамо істотны імпульс інтэграцыйным прац / Адказаць
12.06.2018 / 14:28
А что делать с кибератаками на официальные сайты РБ ???
Никак вчерась было, где, на официальных страницах, Беларусь называлась недогосударством, а беларусы недочеловеками с продажной армией, что делать Саша ???
Что делать с молочно-мяснысм войнами ???
Что делать с маршами, по Минску и Бресту,  под власовскими флагами и флагами российской империи, с надетыми маечками восхваляющими Путина и его "вежливых", "зелёных" человечков с россискими искандерами, на которых приедут строить очередное МНР и ГНР в Беларуси ???
 Ах да,  пограничники РБ и сами с удовольствием ходят под этими флагами, как и тренируются беларуские дети, без ведома беларуского ??? государства в лесах России.
 Правильно, ничего не делать и ждать когда само "рассосётся", и слать поздравительные открытки на имя Путина.
https://nn.by/?c=ar&i=211037
18
истинный белорус / Адказаць
12.06.2018 / 14:31
А рыженковым и следкому больше делать нечего, как заводить аккаунты в твиттер и фб? Или они через такой канал связи госсекреты сливают?
0
Пячорны чалавек / Адказаць
12.06.2018 / 14:34
так, над поштай аднавiць кантроль дужа складана. асаблiва, калi яна на mail.ru
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру