12.06.2018 / 15:43

Бухарэст: неймаверна прыгожы горад. Пры ўмове, што любіце трэш і вінегрэт ФОТЫ 5

Бухарэст — неймаверна прыгожы горад. Але толькі калі вы любіце разруху, трэш і дзікае змешванне зусім несумяшчальных стыляў і эстэтыкі. Гэта абсалютна ўнікальны кактэйль з Парыжа, Берліна, Прагі, саўка і Гаваны. І ўсё гэта развальваецца, іржавее, падае на галаву, мільгае графіці і перманентна рамантуецца, піша чытач «Нашай Нівы» Павел Кірылёнак у сябе ў фэйсбуку.

На гістарычных асабняках шыльды ў духу «Ты тут не хадзі, тынкоўка башка патрапіць — балюча будзе». Урадавыя ўстановы выглядаюць так, быццам у горадзе яшчэ ўчора ішлі баявыя дзеянні. Адзіныя будынкі ў ідэальным стане — гэта цэрквы, якія тут на кожным кроку.

Жыццё горада такое ж эклектычнае, як і яго архітэктурнае аблічча. Цэрквы суседнічаюць са стрыптыз-клубамі, а трэшовае турыстычнае кафэ пра Дракулу — з дызайнерскім хіпстарскім фудкортам. Усё гэта вельмі каларытна і не падобна ні на адзін іншы горад. Я дзіка задаволены.

У Бухарэсце ўсе вельмі любяць Італію, таму знайсці традыцыйную румынскую ежу не так ужо і проста. Але магчыма. Напрыклад, выдатныя галубцы з мамалыгай і смятанай у вельмі атмасфернай піўнусе Caru 'cu Bere.

Румынія — самая рэлігійная краіна ЕС. Паводле розных звестак, ад 87 да 95% румын лічаць сябе вернікамі. У сельскіх раёнах гэтая лічба дасягае 99%.

У Бухарэсце цэрквы трапляюцца літаральна на кожным кроку. Яны, як правіла, невялікія, выдатна адрэстаўраваныя — гэта рэзка кантрастуе з агульным станам гарадскіх будынкаў — і даволі сімпатычныя, не парушаюць гарадскога ансамблю. (Калі такое паняцце наогул можна ўжываць да Бухарэста, вядома.) Гэта сведчыць пра багацце царквы, апроч іншага.

Рэлігійнасць румын вельмі паказушная: напрыклад, калі аўтобус праязджае міма царквы, паўаўтобуса хрысціцца.

Але пры гэтым, кажуць, у ёй няма фанатызму і радыкалізму, якая ўласціва, напрыклад, палякам. У рэальным жыцці мала хто з румынаў будзе кіравацца рэлігійнымі догмамі. Тым не менш, пару гадоў таму было сабрана 3 мільёны подпісаў за ўнясенне ў Канстытуцыю забароны на гей-шлюбы.

На будынку Нацыянальнага музея, размешчанага на Плошчы Рэвалюцыі, да гэтага часу бачныя сляды ад куль. Падзенне рэжыму Чаўшэску ў 1989 годзе было зусім не аксамітным — на вуліцах Тымішаара і Бухарэста ішлі лакальныя баі. Загінула, па самых сціплых падліках, больш за тысячу чалавек.

Слова «камунізм» да гэтага часу ў Румыніі блізка да лаянкавага. «Лепш быць хуліганам, чым дыктатарам; лепш быць мёртвым, чым камуністам» — спяваецца ў песні, якая стала сімвалам барацьбы з посткамуністычнай партыйнай наменклатурай у 1990-я.

18
Максим Дизайнер / Адказаць
12.06.2018 / 16:23
Ну, сейчас атеисты оторвутся. Про то, какая Румыния верующая, но бедная, и как попы отбирают все нажитое непосильным трудом у циган.
7
гена / Адказаць
12.06.2018 / 19:41
Максим Дизайнер, Атэістым пофіг, яны не такія ваяўнічыя, як праваслаўнутыя
6
Дай Дарогу / Адказаць
12.06.2018 / 19:42
И эти демоны в ЕС ?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру