13.06.2018 / 10:45

На кіраўнікоў ГА «Інстытут матэматыкі і кібернетыкі» завялі крымінальную справу 6

На кіраўнікоў грамадскага аб'яднання «Інстытут матэматыкі і кібернетыкі» завялі крымінальную справу паводле артыкула 233 Крымінальнага кодэкса. Пра гэта паведаміў дырэктар інстытута Павел Бука, у кватэры якога следчыя правялі ператрус, паведамляе Радыё Свабода.

«Абвясьцілі, што справу завялі ў сакавіку 2018, але пастанова пра завядзенне была прад'яўлена толькі ў чэрвені, а да таго, з сакавіка 2017, трывала праверка. Нам ставяць у віну незаконную прадпрымальніцкую дзейнасць з даходам ажно на 30 тысяч рублёў. Зноў пачалі цягаць на допыты лектараў і слухачоў, вось і ў маёй кватэры правялі ператрус. Нічога не забралі, але робяць усё, каб знайсьці хоць якія доказы нашай віны. Раней нават праектар забіралі для праверкі. Але мы настойваем, што працавалі законна, вялі выключна грамадскую дзейнасць, і ўсе дакументы ў нас спраўныя. Мы чыталі бясплатныя лекцыі, якія не патрабуюць ліцэнзавання», — распавёў Свабодзе Павал Бука.

Лекцыі для праграмістаў наведвалі некалькі дзясяткаў чалавек. Але ў траўні мінулага году лекцыі былі спыненыя. Напярэдадні працай інстытуту зацікавіліся сьледчыя з Дэпартамэнту фінансавых расьсьледаваньняў Дзяржкантролю, лектараў і слухачоў курсу праграмаваньня пачалі выклікаць на размовы. Цягам амаль года цягнулася праверка, якая, як цяпер высьветлілася, прывяла да крымінальнай справы.

«Пры гэтым нам за год тройчы дасылалі лісты, у якіх паведамлялі, што ў нашых дзеяньнях няма складу злачынства», — адзначае Павал Бука.

0
ўантуфры / Адказаць
13.06.2018 / 11:03
Расійскія ідэалагічныя лектары прыязджаюць у выканкамы і "адукоўваюць" чыноўнікаў, якія уплываюць на жыццё краіны, і у гэтым следчыя СК не бачаць ніякіх парушэнняў. А тут людзям на нашай нацыянальнай мове дапамагаюць атрымаць добрую прафесію - і для існуючага рэжыму гэта падвойнае "зло" - бо мова не проста выкарыстоўваецца, а, дзякуючы жыццёвай грашовай глебе, якая дае людзям магчымасць добра жыць, сапраўды развіваецца і засвойваецца. Прарасейская пятая калона гэта проста не у стане трываць.
0
Я / Адказаць
13.06.2018 / 11:05
Забярыце гэтых выкладчыкау з iнстыту кiбернэтыкi ва Унiверсiтэт Алега Трусава i адчынiце факультэт, дзе будуць навучаць праграмiстау. Тады Унiверсiтэт Алега Трусава стане прэстыжным!
0
цень макарона / Адказаць
13.06.2018 / 11:54
затое ўсялякія расейскія філіі шырока працуюць, і расейскія купцы штогод наязджаюць вербаваць лепшых і забіраюць, ацэначна, дзесь траціну. Гэта да пытаньня, што такое этнацыд.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру