Але вынаходлівых спецыялістаў затрымалі і завялі крымінальную справу.
Па версіі следчых, трое мінчукоў — 39, 40, і 35 гадоў — стварылі арганізаваную групу.
«З сакавіка 2009 года па снежань 2016 года ўдзельнікі групы з выкарыстаннем камп'ютарнай тэхнікі, рэквізітаў чужых банкаўскіх плацежных картак і інтэрнэт-рэсурсаў здзейснілі крадзеж грашовых сродкаў з карт-рахункаў на агульную суму, якая перавышае $400 тысяч», — паведамляе Следчы камітэт.
Працавала група наступным чынам. У інтэрнэт-магазінах ЗША і Заходняй Еўропы набываўся тавар. Яго аплачвалі грашыма з чужых рахункаў. Тавары траплялі іншым людзям, якія пра злачынныя метады мінчукоў не ведалі, і з якімі была дамоўленасць аб рэалізацыі набытага. У выніку тавары прадаваліся, грошы пераводзілі на рахункі беларускіх злачынцаў.
Прычым мужчыны мелі неблагую сталую працу. Двое абвінавачаных працавалі на кіруючых пасадах у мінскіх ІТ — кампаніях.
У ходзе следства накладзены арышт на маёмасць абвінавачаных: сем кватэр і тры аўтамабілі агульным коштам 990 тысяч рублёў, а таксама грошы — больш за 58 тысяч рублёў.
Цяпер мужчыны пад вартай. Ім пагражае ад 6 да 15 гадоў пазбаўлення волі.
