14.06.2018 / 18:54

Пяць неардынарных зборных Чэмпіянату свету, за якімі цікава сачыць 22

14 чэрвеня гульнёй Расія — Саудаўская Аравія ў 18:00 стартуе Чэмпіянат свету па футболе. Цэлы месяц найлепшыя майстры гэтай гульні будуць вызначаць найлепшую каманду. Падзея, якую футбольныя заўзятары чакалі чатыры гады.

У гэтым аглядзе мы прапусцім яўных фаварытаў, такіх як Германія, Бразілія, Францыя ці Аргенціна, а затое больш пільна паўзіраемся на каманды, якія могуць паднесці сюрпрыз.

Польшча

Можа, для вас будзе дзівам, але наша суседка ўваходзіць у топ-10 наймацнейшых каманд свету паводле рэйтынгу ФІФА. Палякам дасталася не самая моцная група: і з Сенегалам, і з Японіяй, і Калумбіяй можна гуляць і перамагаць.

Гэта наймацнейшая польская каманда ад часоў Гжэгажа Лята і Збігнева Бонека. Тыя палякі двойчы бралі бронзавыя медалі на мундыялях. Няўжо цяперашняе пакаленне горшае?

Палякаў наперад павядзе іх бамбардзір Роберт Левандоўскі. 29-гадовы нападаючы «Баварыі» ў адборы забіў аж 16 галоў, а ў яго гонар у Польшчы ўжо называюць вуліцы. Левандоўскі на сённяшні дзень топ-5 найлепшых форвардаў свету, партнёры ў яго падабраныя не самыя благія.

Першы матч Польшча гуляе з Сенегалам, паядынак адбудзецца ў аўторак (18:00).

Ісландыя

Калі гэтыя рудабародыя і блакітнавокія вікінгі выходзяць на поле, то страшна становіцца ўсім. Не верыце, спытайце ў англічан, якія недаацанілі паўночны народ на мінулым Еўра. Ім проста немагчыма не суперажываць.

У зборнай Ісландыі няма ніводнага футбаліста, якога смела можна назваць топам. Гільфі Сігурдсан (футбалістаў з такім прозвішчам у зборнай Ісландыі аж трое)? Ды ну, кіньце, ён нават да ўзроўню Аляксандра Глеба не дацягвае. Гучыць як штамп, але ісландцы моцныя каманднай гульнёй. Ну калі гэта праўда, то што з гэтым зробіш.

Група ісландцам дасталася такая, якую прынята называць «групай смерці»: Аргенціна, Харватыя, Нігерыя. Але вікінгам не прывыкаць. Яны ўжо пакінулі за бортам чэмпіянату моцных галандцаў і туркаў. Могуць паўтарыць.

У першым матчы ў суботу ісландцы гуляюць з Аргенцінай (16:00).

Каб сачыць за чэмпіянатам было яшчэ цікавей, раім вам зрабіць стаўку ў Букмекерскай канторы Марафон!

Харватыя

Ніколі харваты не прыязджаюць на буйное спаборніцтва статыстамі. Ізноў немагчыма не прывесці паралелі з мінулым. Бліскучая зборная Харватыя ўзору 1998 года, якая толькі па няшчасці саступіла ў паўфінале Францыі. Тады лідарам зборнай быў Давар Шукер.

Цяпер наперад харватаў вядуць два абсалютна геніяльныя футбалісты — Лука Модрыч і Іван Ракіціч, якія прадстаўляюць «Рэал» і «Барселону». А ёсць жа яшчэ Манджукіч з «Ювентуса», Перышыч з «Інтэра», Ковачыч з «Рэала». Многія могуць пазайздросціць такому складу.

Гульня Харватыі з Аргенцінай на групавой стадыі будзе шмат значыць для балканскай дружыны. Стане ясна, ці здольныя харваты змагацца за высокія месцы ці абмяжуюцца ўсяго толькі «годным удзелам».

Харватыя — Нігерыя (субота, 22:00).

Егіпет

Цікавасць да егіпцян найперш зашквальвае праз асобу іх галеадора Мухамеда Салаха. Форвард правёў неймаверны сезон у «Ліверпулі», вывеўшы каманду ў фінал Лігі чэмпіёнаў. Траўма перашкодзіла Салаху выйграць той турнір. Цяпер у Мухамеда менш майстравітыя партнёры, але гэта яшчэ больш цікава, як Салах прадэманструе сябе цяпер.

Калі Егіпет пройдзе раўнд ці два ў плэй-оф, то Салах, безумоўна, будзе галоўным прэтэндэнтам на «Залаты мяч». Манаполія Месі і Крыштыяну Раналду шмат каго ўжо стаміла. Зрэшты, Салаху трэба пакуль вылечыцца ад траўмы.

Адметна, што егіпецкая зборная спынілася перад чэмпіянатам у Грозным. Калі Салах адпачываў у гатэлі, то яго пабудзіў Рамзан Кадыраў, які захацеў фотку з зоркай. «Робіць ён, а сорамна нам», — самыя папулярныя на гэтую тэму каменты ў расійскім інтэрнэце.

У пятніцу Егіпет гуляе з Уругваем (15:00), а аўторак — гульня з Расіяй (21:00).

Панама

Прызнавайцеся, колькі з вас не падазравала, што Панама будзе гуляць на мундыялі? Уявіце сабе, галандцы не будуць, італьянцы не будуць, амерыканцы не будуць, а панамцы будуць. Невялікая цэнтральнаамерыканская краіна акурат і выбіла ЗША. Ну як выбіла, амерыканцы самі сенсацыйна саступілі Трынідаду. Панама — абсалютны дэбютант чэмпіянатаў свету.

Гэта зборная, ад якой ніхто не чакае нічога. Толькі добрага настрою. І панамцы «запальваюць» у Саранску, робячыся ўлюбёнцамі мясцовых заўзятараў. Група панамцам дасталася з віду суворая, але з Тунісам можна гуляць на роўных, а Англія і Бельгія часта паплачваюць за сваё піжонства.

Чым яшчэ прыцягвае Панама, дык тым, што ў складзе каманды гуляе самы «тоўсты» футбаліст Мундыялю. Раман Торэс з амерыканскага «Сіэтла» важыць 99 кілаграмаў.

У панядзелак Панаме адразу суворае выпрабаванне — Бельгія (18:00).

Зміцер Панкавец

19
Алексей / Адказаць
14.06.2018 / 09:50
Переживаю за погоду за урожай за экономику, за то что жрать будем после засухи, чем кормить скот будем, как выживут люди для которых урожай дачный главная надежда, бедные люди, которые ягоды собирали и жили за это потом полгода, а не за 22 бездельников мяч пинающих
11
Матвей / Адказаць
14.06.2018 / 10:15
вы уже со своим интернетом совсем свихнулись  Только Нидерланды 
3
88 / Адказаць
14.06.2018 / 10:22
Буду заўзець за зборныя Англію, Аргенціну, Уругвай, Данію, Харватыю і Польшчу. Хтосьці з іх і выйграе WC 2018. Спраўдзім мой прагноз 14.07.2018. 

ну а Ісландыя - гэта проста one love  ❤⚽


Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру