13.06.2018 / 20:02

У магілёўскім тату-салоне адмовіліся набіваць кліенту Пагоню  дапоўнена 48

38-гадовы магілёвец Глеб Светлы распавёў «НН», што захацеў набіць на плячы «Пагоню». Прыйшоў у магілёўскі тату-салон «INK-ART» на Піянерскай, 50, але тамтэйшы майстар нечакана адмовіўся выконваць працу.

Фота Сяргея Гудзіліна.

«Я даўно хацеў знешне адзначыць свае ўнутраныя погляды. Я не нейкі там люты нацыяналіст, працую лагістам, але люблю гісторыю сваёй Радзімы ў любыя яе часы.

Дык вось запланаваў набіць на плячо Пагоню. Прыйшоў у тату-салон на Піянерскай. Адміністратар сустрэў ветліва, удакладніў, што я хачу. Я растлумачыў, што Пагоню. Ён не ведаў, што гэта (што мяне здзівіла), таму мы разам пашукалі карцінкі ў інтэрнэце. Пасля адміністратар накіраваўся да майстра, каб удакладніць кошт і іншыя пытанні. Але ў выніку мне перадалі, што ён адмовіўся рабіць працу. Я спрабаваў распытаць, чаму, але ў адказ не атрымаў нічога выразнага. Не разумею, чаму нельга падзяляць працу і асабістыя погляды. Ды і што такога страшнага я папрасіў? Я ўвогуле думаў, што ўсе тату-майстры — брутальныя, без аніякіх страхаў», — задаецца пытаннем Глеб.

Адміністратар тату-салона ў каментары «НН» распавёў, што іх супрацоўніку проста «нецікава працаваць у гэтым кірунку»: «Нехта можа папрасіць партакі набіць ці тое, што модна было 20 год таму — гэта нецікава». Аднак даць нумар самога майстра адмовіўся.

Што тычыцца Глеба, то пасля гэтай сітуацыі мужчына яшчэ больш умацаваўся ў жаданні зрабіць тату з Пагоняй.

На наступны дзень пасля публікацыі з намі звязалася кіраўніцтва салона і папрасіла дадаць, што палітычных матываў у дзеяннях іх майстра не было. «Мы любім Беларусь, проста такі сюжэт нашаму майстру нецікавы».

КК

13
Александр . / Адказаць
13.06.2018 / 20:18
Это не мастер тату . Это представитель русского мира . 
16
ўантуфры / Адказаць
13.06.2018 / 20:19
Гы, Пагоню захацеў. Вось каб калакала ці красты, ці чэрап ці нож з пісталетам, ці бутэльку - ці "вясёлкавы" сцяг - гэта "пожалуйста, с удовольствием".
11
Нейкі чалавек / Адказаць
13.06.2018 / 20:19
Можна проста пайсьці ў іншы салон.
Паказаць усе каментары/ 48 /
Каб пакінуць каментар, калі ласка, актывуйце JavaScript у наладах свайго браўзеру