14.06.2018 / 07:57

Расійскі таблоід «Версія»: Лукашэнка дапамагае акупантам-карнікам і кіеўскім галаварэзам 31

Папулярны расійскі штотыднёвік «Версія», які мае тыраж больш за 170 тысяч экзэмпляраў, апублікаваў на галоўнай старонцы свайго сайта матэрыял «Падвойная гульня беларускага прэзідэнта», у якім паставіў у віну кіраўніку Беларусі тое, што наша краіна адправіла на кантраляваную Украінай тэрыторыю Данбаса гуманітарную дапамогу памерам 80 тысяч долараў. Журналіст расійскага выдання называе гэта дапамогай «акупантам-карнікам» і «кіеўскім галаварэзам».

«Версія» абураецца, што гуманітарная дапамога пайшла не ў квазірэспублікі, а ў Краматорск, які знаходзіцца пад кантролем Украіны. Адметна, што Краматорск, украінскі горад з украінскай уладай, журналіст называе «акупаваным».

На думку расійскага выдання, Лукашэнка заўсёды на баку Кіева.

«Па сутнасці, Лукашэнка, як мінімум, двойчы выратаваў кіеўскі рэжым. А цяпер яшчэ з рукі падкормлівае гуманітарнай беларускай тушонкай карнікаў, якія заседзеліся ў акопах», — піша «Версія».

Атакуе выданне не толькі Лукашэнку. Пасла Беларусі ва Украіне «Версія» называе «вялікім прыхільнікам Незалежнай і яе новых герояў». Таксама выданне сцвярджае, што беларускія грамадзяне ўдзельнічаюць у канфлікце пераважна на ўкраінскім баку, а ўдзел на баку так званых «народных рэспублік» — адзінкавыя выпадкі.

«І калі па вяртанні ў Беларусь «патрыётам», якія змагаліся разам з украінскімі карнікамі-нацыяналістамі, аддаюцца пашана і слава, то сапраўдных герояў Данбаса могуць і пасадзіць»,

— піша «Версія».

Варта адзначыць, што Беларусь ва ўкраінскім канфлікце заняла пазіцыю строгага нейтралітэту. Пад крымінальны пераслед падпадаюць як тыя грамадзяне Беларусі, што паехалі ваяваць на баку ДНР-ЛНР, так і тыя, што пайшлі добраахвотнікамі ва ўкраінскія сілавыя структуры.

ММ

1
Хопіць памяркоўшчыны / Адказаць
14.06.2018 / 08:16
На жаль, тэрарыстаў з Дамбасу ў нас мала саджаюць, але прапанова неблагая. Следчы камітэт мусіць прыслухацца да расійскіх таварышчаў.
2
Centurion / Адказаць
14.06.2018 / 08:20
Шматвектарная палітыка, а не двайная гульня.
2
Мікола))) / Адказаць
14.06.2018 / 08:25
Потым гэтыя мярзотнікі будуць казаць, што Магілеў і Гомель акупаваны беларусамі. Таму чым больш мы ці Амэрыка прадамо зброі змагарнай Украіне -- тым лепш. Але і ім ня варта расслабляцца, але працягваць і пераўзбройваць армію. Расея засяродзіла на граніцы з Украінай і Беларусяй 4 арміі.
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру